【食咗比卡超落肚】 比卡超+火焰猴陪你拜年！

冬眠3星期後， 比卡超帶同比卡Girl換新裝， 再登場跟大家賀新年...…恭喜！恭喜！

點解多了隻寵物小精靈火焰猴？？ 

我回家跟SY講:「不如帶小火龍、車厘龜、哈力馬龍出嚟仲好啦！！」

SY想也不想答:「爸爸！！ 猴年梗係要同馬騮一齊」(係喎...…點解我諗唔到呢？) 

原來比卡超也有分男女， 唐裝恭喜發財Look...…我忽然想起能得利果汁軟糖，達哥一定就是火焰猴啦！！

這個鳥居很甜蜜，應該專門造給比卡超及比卡Girl手拖手談談情之用， 不過今日多了一位馬騮精靈，會不會太迫呢？

火焰猴還是不要做電燈膽， 乖乖和我齊齊賣鯛魚燒吧！

上次的喵喵怪熱氣球，被棄置在同層的走廊另一端。今次換上日本太鼓高台，可惜欠了兩支鼓棍， 否則細比卡超大力打大卡超太鼓， 拍片應該好有效果。

聖誕檔期， 比卡Van載齊8隻比卡超巡遊港九， 今日集郵用黃車仔依然在商場， 等你來合照。

其實火焰猴瘦夠了，應該可以上車，奈何搗蛋的孖超塞實了車門呢！！

粗略計算， 這兩年比卡超已經來了香港3次， 而且愈找愈多同伴一齊過來， 希望下次帶齊700隻小精靈出現， 嘩！如果成事， 真．震撼喎。

新年新攪作， 1月22日至2月22日期間， Geláre會有比卡超甜品配合登場。

三款配朱古力粉的咖啡 ($42)， 薄荷朱古力 ($42)， 紐約芝士蛋糕 ($58)， 都有比卡超/火焰猴的大樣...…

如果大大容貌， 如同店名一樣親手拉花拉出來， 應該會更顯誠意！ 

比卡超布甸配窩夫，個布甸好熟口臉...…會不會之前見過？？好似上次有爆炸糖送喎。

比卡超+比卡Girl+火焰猴輪流Meet＆Greet時間表:

日期：2016年1月31、2月6-7、2月10日及2月13-14日
時間：2pm – 4pm
地點：Mikiki地下中庭
(2月7、2月13及14日比卡超與比卡Girl 將同時出現合照)

「Mikiki x 寵物小精靈Pika新年祭」詳情
開放日期：1月21日至2月22日
地點：新蒲崗Mikiki


大仁生活