寒冬懶人最愛：1分鐘變身上班Look

一場突然其來的世紀寒流，讓小編每朝只想留在暖笠笠的絲綿被內，差啲唔知醒起身返工，對於小編這些懶人一族，如何可以瞓到最後1秒鐘至起身返工也不怕遲到？以下四個 1 minute workwear look  相信也是同屬懶人一族的你的至愛！

百搭衛衣

衛衣雖屬於casual wear，但可說是最易mix and match 的單品之一 ，愛girlie打扮的你可襯喱士與雪紡裙；愛簡約一點可襯pencil skirt或西褲，不過始終是作上班服，所以最好還是選擇淨色或沉色款式較為適合。

至Safe 西裝褸

西裝褸絕對係上班服的正裝，保守正經一點當然可以襯pencil skirt；想型格一點可以闊身西褲配平底鞋。

一件攪掂

Jumpsuits 又得連身針織裙亦可，揀one piece衫嘅重點係慳返大家朝早左襯加襯的時間，一著就行得出門口so easy！如果你覺得針織裙太plain 的話，可以選擇一些有間條圖案或cut out 款式的設計。

全黑攻略

黑色唔單止係自命型人的至愛，也是大家係冬天時至方便的選擇，所以如果你真係瞓到最後1秒鐘，唔使忙、唔使慌，其實只要total look all in black上身，出錯的機會其實好低好低。

相片來源: Pinterest