作為一個神級男朋友（或者男神），凍算得係咩。好多人話港女難溝，其實我想問你溝過女未，唔好鳩up，有心做其實一D都唔難。之前我喺港女乜乜乜都有講過，冇感情嘅時候緊係講錢，但有咗感情囉喎，就要花D用錢買唔到嘅心機同關心啦。
今日一朝起身得3度，好似最近呢十零年冇凍過，男人老狗，怕咩凍呀？凍都要催眠自己話唔凍，去到日本韓國零下18度你千祈唔好叫凍。每逢星期六日，我都會九點零鐘落街幫我個女人買早餐，風雨不改，除非我死咗或者佢死咗。今朝一起身，得3度，今次真係想見識到咩叫濕凍，但係身為男人理應天不怕地不怕，號令在前，男人含忍。喺屋企我仍然只係一年短袖加風褸，面對3度既挑戰，加多一件baby milo外套就行出去。落到樓下，勁大風，仲有冷冷雨wo ……，溫差令我開始有D縮。
我行咗15分鐘先入到商場，呢15分鐘話凍又唔係好凍，我已經唔係一個肥仔（不過呢排肥仔都叫凍），又唔做運動，身體唔算健康，我唔明點解香港人而家咁怕凍，但係去旅行就唔覺凍，唔通洗錢可以祛寒？
入到商場我就見到一堆阿婆排隊買早餐，睇見佢地一身短打，最多加件背心，心諗，我地呢班後生仔真係連個婆都不如。後來我排隊嘅時候我忍唔住問我前面個婆婆：
我：婆婆著咁少衫會唔會好凍呀？
婆婆：唔會，我都慣哂，今年先著多件背心姐，後生仔真係有心。
買早餐條隊勁多人，但係眼見一個後生仔都冇，真係一代不如一代，成日話做gym跑步健身都唔知健咗去邊度，冇鬼用，3度就冬眠，連長者都強壯過你，一想到尋晚老蘭D女仲係短裙低胸，佢地先係戰鬥民族。我突然諗起有位朋友，係健美先生，大隻仔好嚇人個種，原來睇得唔打得。佢同我講，大隻同大力係冇關係，大隻同健康係兩回事。一個健康嘅人會怕凍，我當堂笑咗。我問過大隻仔佢操咁大隻為咩，佢話就係冧女，有線條就夠照。其實大部份肌肉都係化學嘢練出嚟，同地盤練出嚟嗰D比，冇咩力水，一唔操唔飲shake好快就會變鬆弛熊。所以有心理學家亦分析過，大隻佬心靈係比較脆弱，不過總好過蝗國玻璃心，所以大隻仔要用強大既身體警告別人：你唔好蝦我呀，大脾都粗過你條頸。咁大隻，第一時間見到，係人見到都驚，唔會想挑佢機，除非你係李小龍或者宇宙最強。
作為男友，對住小強，四腳蛇同米奇呢D嘢不能夠驚，徒手或拖鞋打死係必須要練出嚟，好似史坦尼斯拉夫斯基嘅演技咁從內而外，由外而內鍛鍊出來，就算男神外表如何有型靚仔，一見小強就變女人，點溝女呢。日本同韓國訓練男人有一手，從小到大都有武士道精神，天不怕地不怕，外父第一眼見女婿就要試他有多少男子氣魄。身家前途至係第二條件。
如果一個男人3度都肯為女友落街買早餐，呢個絕對可以加分！如果個女人未係你條女，加分會仲多d添。一個肯3度都為你落街買早餐既男人，點都比一個用100蚊買個麥麥送嘅男友好，一來知慳識儉，二來有用過心，三來肯未個女人付出。一個男人洗錢多過你，你都係飛左佢把啦，除非佢係李澤階呢類姐。
一個男人肯為你付出幾多，包括金錢，絕對係女人嘅主要評分標準。雖然溝女唔係求分數，但係想長長久久，要求婚數就要俾心機啦。你係要做一個真。男人，而唔係單單一個大男人，俾錢你夠使就算。有主見啡嘅男人唔一定係大男人，女人最怕優柔寡斷既男人，婆婆媽媽成個女人咁，將來都唔只要唔要佢自己倒番轉頭照顧你。男人要擔得起放得低，下下為情自殺嘅男人，係東亞病+懦夫。有主見，但仍然會問下女友，你想食咩，有plan B，以對方嘅喜好為plan A先唔話得。雖然佢會話，食壽司怕凍，食老麥又熱氣。不過，女人唔係就係咁既咩?冇女人嘅優柔寡斷，點顯得你有主見呢?間唔中就拖你個女人任性一次，做醜人又man一次，即管用你嘅愛做藉口啦，情人節你實識做啦。
女人同你講心唔講金，係要一步一步花心機慢慢加分上去，同打機升lv一樣，你都唔會一下99lv，除非你用金手指靠後台啦。呢度只有經驗分享，如果你想問我治何經典，內容有咩理論，出自何處，我就會反問你一句：「你睇過< 三國演義>裡面諸葛亮舌戰群儒未？」口味人心個個獨一無二，你話溝女有咩必勝秘笈，塞車要離地宏觀到講蝴蝶效應–你都好識得為"地區固有運輸規劃與現代發展失衡，私家車太多"嚟搵個虛無縹緲嘅藉口囉，情侶性格不合大概只能夠歸咎為「社會嘅錯」啦。真‧男人最緊要有承擔!!!預祝大家情人節快樂，香港個個真‧男人啦。
真‧男人文：（占米糕）
https://www.facebook.com/GaldenPolymer/timeline
