返工先簽約，好易中伏

我成日都勸大家千奇唔好過年前轉工，因為HR實壓價，衰啲仲會玩爆你！近日有個傻更更諗住轉工，個HR開啲勁靚條件，只係加左句「第一日返工先簽約」。

結果阿傻更更就辭左上一份工，第一日返工先行上去簽約，結果合約內容梗係勁Harsh 啦！

阿傻更更就質問：「喂，點解同當初傾啲Terms唔同嘅？」

咁HR梗係一堆要求例如人仔跌丫，公司政策有變等，最後扔低一句，簽就簽，唔簽就算咯。

其實呢間公司一向臭朵，所以勸大家見工前記得Google下間公司有無咩污糟嘢。