【概念零距離】冠軍人馬為你煮熱咖啡 @ Starbucks 家樂坊

繼金鐘麥當勞的Next Concept Store， 原來Starbucks一樣在油麻地家樂坊開設了Concept Store， 雖然我不是星粉， 但八卦的我， 有新玩意一定想試。

家樂坊地庫的Concept Store非常之大， 面積可能較登打士街， 及中環都爹利街的概念店更加之大。

原來這裡只新開張了三天， (12月11日開業)， 難怪我還能聞到新裝修的氣味。

我問店員有何獨家食品， 她答：「我們三款牛角包都是獨家發售」SY： 「爸爸！ 我好鍾意食牛角包， 我想要朱古力味，得唔得？」

於是我們點了「馥莓忌廉」及「朱古力脆脆忌廉」， 我捨棄了「芒果乳酪」， 因為我怕乳酪會太酸。

SY不停說:「好食！好食！ 不過可唔可以唔好切開我個牛角包， 佢好慘， 我好想成個食呀」(我：好慘因為我要分享你個朱古力呀？？)

這份甜品算特別， 賣相亦算可愛， 但是否如SY說的好好食， 我有所保留， 起碼仍未有一試難忘的級數。

概念店最最最大賣點， 正正就是Reserve Coffee Experience Bar， 所以特製的杯上也大大個印上「R」字。

可以近距離， 親眼看著咖啡師為你煮熱咖啡， 份外輕快些， 同你傾 同你飲 密密斟咖啡...原來好正。

概念店標榜4款咖啡豆...「TANZANIA MONDUL ESTATE」、「VIETNAM DA LAT」、「COSTA RICA LA CANDELILLA」及「PANAMA CARMEN ESTATES」

其實...對於一名未戒奶的咖啡初哥...真的識「條鐵」， 所以我揀了酸度， 及濃度都是中級， 又包含有朱古力成份的TANZANIA。 (其實係乜我都唔知)

咖啡師Suki問：「三款沖調方式， 你揀邊種呀？ (我:吓？？？ 濾壓壺好似好少人叫呵？？)， 梗係啦， 一向我哋係哋用濾壓壺， 同埋好多人屋企都有， 咁一定少人點嘅」

(我面前E款幾特別喎)， Suki豪氣回我：「哦Siphon (虹吸)呀！ 好呀...大約請等20分鐘」

(今日算唔算多人？) Suki答:「我哋開咗三日， 尋日試過客人要等大約一個鐘， (點解唔放多幾個虹吸壺？)， 可能初初要試一試先， 之後會再加」

原來Suki來頭非常勁， 因為她正是Barista 2015冠軍人馬， 她身旁同事說笑道:「係呀！ 佢好勁架， 唔係我點會企係佢隔離聽佢吩咐， (Suki：你亂講啦)」

(要練幾耐先攞到冠軍架？) 一邊試咖啡一邊答我的Suki：「我好彩囉， 我只係練咗一個幾月」(嘩！咁鬼勁嘅你)

(點解我見你每次都會試飲一杯仔先再畀客人呢？)， 笑笑口的Suki:「係呀！我要試下味， 如果唔合格， 我情願沖過一杯先畀客飲啦」

不過， 對於一個BB班級數的我， 見你又要調水溫， 又計時， 連吉杯也要用沸水保溫， 你沖甚麼味道我也覺得你超專業啦！！

究竟在那裡加奶的呢？ 還是 TANZANIA一定是齋啡來的？ 太甘太苦吧！！ 結果我放了一些朱古力粉來加甜。

SY問:「朱古力粉？？ 我可唔可以食少少呀？」結果我給了一匙羹給他吃....一呷即咳的小朋友:「都唔係朱古力嚟架， (咳咳咳)爸爸....(咳咳)係咖啡， (咳咳)水！(咳) 我想要水」

飲飽食醉後， 當然就參觀一下這間很有轉角藝術色彩的概念店， 大頭公仔畫， 個個也飲著咖啡， 都很有指導性...

不過， 應該間中再夾一些在溫習， 或者賣保險的人像， 就更有真實感。

原來， 今日特製的咖啡杯可以獨立購買的...SY：「我想買個細細杯， 好得意...(他指用來飲Espresso的一款)」我:「你飲咖啡咩？ (囝：飲水囉)」

今日到Starbucks也學到咖啡知識， 果然夠充實， 未知概念店會否攪工作坊， 我真的好想知道， 如果「外行仁」沖出來的咖啡， 和達人Suki沖出來的效果會有何分別呢？ 不知有沒有機會可以玩一玩呢？

地址：旺角家樂坊分店（旺角登打士街56號家樂坊地庫）