朱古力專門店GODIVA於昨天(8日)至10日，一連3天推出$45朱古力軟雪糕買一送一優惠，變相節省了$22.5。優惠首天已經釀成「災難」，事關各區GODIVA分店的門外，均大排長龍，大部份有心人士至少需要排隊1個小時以上，甚至兩個多小時，才能夠買得心頭好。
由於打蛇餅情況嚴重，而且職員多次截龍，又一度聲稱機件故障而暫時停止優惠，故市民大為不滿，於GODIVA官方facebook和各大facebook群組留言狠批：「佢哋應付唔到咁多人，就唔好搞呢啲活動啦﹗」、「為咗買雪糕搞到一肚氣…」、「排排下先壞機，叫人走，浪費晒啲時間…」、「一係又整多幾日，分流下﹗﹗﹗」、「個優惠根本就係搵笨…」、「無心做優惠就咪做﹗﹗﹗」
可是，不少食花生的網民直言排隊市民戇居：「港豬願為廿幾蚊排幾粒鐘唔覺on9，網絡23條立法，哩班豬又會去左邊？」、「排一粒鐘隊只係為平咗$22.5雪糕，即係一個賺$22.5，仲少過最低工資…」、「我女友一見到就即刻上去M記買個4蚊嘅新地筒，然後話可以食11個仲有1蚊找番！」、「咪又係朱古力雪糕一杯，買完咪又係為左影張相，真係貪佢好食咩？」、「食個雪糕排成粒鐘，5分鐘我都唔等啦~」、「識食緊係食流動車個啲雪糕，我唔記得架車叫咩名，有音樂的~」、「其實一杯雪糕啫，雖然我都想買來試，但又真係使唔使搞到好似前世未食過咁，只不過都係因為佢有牌子而又有優惠咁解啫...」
GODIVA這項優惠仍會進行兩天，相信繼續會吸引數以千計的港人大排長龍，大家又覺得是否值得呢？
▼GODIVA一連3天推出$45朱古力軟雪糕買一送一優惠，變相節省了$22.5。
▼各區GODIVA分店的門外，均大排長龍。
▼有網友指在屯門分店等候時間是120分鐘。
資料來源：環球膠報、~~愛煮, 愛分享~~
