愉快OT系列-搵外快

我已經講左兩篇點解扮工仔要配合公司OT文化，當然俾網友鬧到飛起啦，但返工就係扮工，你唔陪班傻人OT 邊有職升丫？(除非你公司無OT文化啦) 好多網友問OT 無補水好慘。我今日教大家一招自製OT 補水方法。 

而家網上其實好興填網上問卷，用個掣督幾督就有錢收，我自己扮OT 經常就係做網上問卷，至於邊啲網站我就唔係度賣廣告喇，不如講下搵到幾錢啦。 

基本問卷

最基本果隻大概$10 - $20 一份，督幾分鐘就督完。你督得多問卷，之後佢見你咁loyal，仲會有啲詳細問卷，果啲去到$50 - $100 份，日日OT日日督隨時賺返1.5倍以上補水。

Focus group活動 

現在不少問卷公司都舉辦Focus group活動，部分更於Lunch time 或Tea Hour 舉行，車馬費達$500 甚至高達過千元，對於部分打工仔黎講，高過日薪！自己借啲意行開下，明架喇。 

有外快賺之餘又可以扮OT~咁先係醒目扮工仔~聽日再分享~