小學雞打油詩又名「上學絕句」，是一系列跟校園生活有關的詩文創作，可以說是潮文的始祖。這些打油詩不但增添了校園生活的樂趣，亦令八九十後的一代共創令人難忘的集體回憶。

近日，4首手寫打油詩的照片被上傳至Facebook專頁「高登貼圖區」，翻起不少網民的回憶，更引起大家的熱烈討論。

雖然潮文是由打油詩演變而來的文字創作，但兩者卻有明顯的區別：打油詩著重押韻、每句句子的字數大都一樣、句式相同，而潮文的寫作風格則比較隨意；但兩者均同樣重視反映時下的事件和心聲，引起讀者共鳴。

木蘭詞(學生編)
唧唧復唧唧，唔識就唔識。
測驗夠刺激，居然無題識。
上堂聽唔識，搗亂多款式。
自修一樣識，睬佢都生積 。

中國人
生係中國人，死係中國魂；
要我學英文，梗係冇可能。
英語唔合格，更顯我性格；
數學唔合格，老師負全責；
中文唔合格，咁我冇辦法。
考試考得好，全靠隔離好；
考試考唔好，隔離唔識做。

 

學生之苦
日日返學愁更愁，老師講野無厘頭。
學生聽到似夢遊，次次批評無理由。
功課多到似報仇，做野做到似木頭。
課外活動無睇頭，冇得去玩悶過頭。
校花校草出風頭，永無我份冇因由。
老師真係老過頭，講書內容好陳舊 。

返學為左乜？
返學九個月，怨聲已不絕；
晨早六點九，趕住著衫走。
路口等小巴，車費又再加。
爬到校門口，仲有幾層樓。
返到班房內，竟然冇人在。
聽到人示愛，遲到又要再。
今日第一堂，學生已發狂。
漏帶一本書，九族都要誅。
空堂唱下歌，傾計都唔錯。
最後英文科，變晒做睡魔。
功課到你抄，一係就唔交。
打鐘各自飛，就咁又one day。
返學等放學，放學飲可樂。
返學為左乜？日日被糟質 。

網友回應：
「香港需要有創意既下一代﹗」
「學生心聲~」
「好詩好詩~」
「啲字眼都幾核突下…」

資料來源：高登貼圖區