DIY 磨砂法，令你保持亮麗美肌膜

兩大DIY磨砂法，既環保又便宜令肌膚變得亮麗白滑！

要有亮麗既肌膚，去角質唔少得，由細到大我地都會選用磨砂膏，效果當然係見仁見智，但原來磨砂顆粒主要是塑料微珠構成，當這些碳氫化合物组成的微珠吸附污染物，然後被水生動物吃掉，就會變成食物鏈的大災難。據研究顯示，單單是美國每天就有808萬億粒塑料微珠被冲入下水道，這些塑料微珠每天可以鋪满超過300个網球場, 單單是想像已經覺得好嚇人！

咁又有咩磨砂既好方法，天然環保又令到肌膚變好呢？我有以下的推介：

1. 砂糖
砂糖係家居隨手可得的食材，用黎當磨砂用不單止可去去除角質層，而且可以將發炎的炎症吸去，成份天然仲好滋潤添。只要用水輕輕將砂糖溶解，如果皮膚乾可以加入優質的油，如椰子油、橄欖油，混和砂糖，然後係面上輕輕按摩打圈，直至砂糖溶解，用清水過乾淨，再摸一下你的面珠就會發現變到好似BB仔咁滑架喇。

2. 乳酪
乳酪含有益生菌，食左入肚對身體既腸道十分有益，但原來乳酪中既乳酸成分都對皮膚好好架，可以去除皮膚上的角質層，只要係面上入敷上一層乳酪，可以厚少少， 敷十五至二十分鐘，清水過乾淨之後就會發現皮膚滑嘟嘟架喇。

如果要加強效果可以加入少量麥片一同按摩，去角質的效果更佳！