【馬鞍山】玉桂狗集郵派對．左扭右扭跳場舞

Cinnamoroll原來是玉桂狗， 朋友說:「你唔係唔識呀？ Cinnamoroll係今年Sanrio人物大賞第三名嚟喎， 你仲話係商場Blogger？」

我答:「真係唔識， 我只係知第一名係布甸狗， 因為係SY最愛」

山長水遠走到新港城， 哦！ 原來我一直以為是棉花糖的公仔， 竟然是一頭小狗...…而且我以為全部也是 Cinnamoroll 的不同顏色版本，不過...…

同場有玉桂狗忠粉， 不停說:「Mocha、Chiffon、Espresso...…咦，Cappucino和Milk去咗邊呀？」(乜原來隻隻都唔同喎！)

我本來帶SY齊齊來， 不過我說:「玉桂狗會出嚟同你影相呀！(SY:咩玉桂狗， 我只係鍾意布甸狗咋) 佢同布甸狗都好Friend架！」(出埋布甸仲引唔到你？！)

SY:「咁即係唔係布甸狗啦...…咁遠...…我想去嫲嫲度玩多啲。」(車！ 有好嘢你都唔識欣賞)

終於等到指定時間，玉桂狗出場啦！第一眼真的有點驚訝...…

因為Cinnamoroll一定是我目前遇到最細細粒的Sanrio人物，心諗:「之後係咪有隻大嘅，係佢爸爸拖住手，兩隻一齊出嚟呢？」

(結果...…當然係我諗多咗啦)

老實說，我真的覺得玉桂狗與布甸狗有7成相似，於是我又立刻Whatsapp給SY:「布甸狗出嚟啦！」

在嫲嫲家玩得好高興的SY錄音回應:「都唔係布布， 佢頭頂都無布甸，我玩緊呀...…拜拜爸爸。」(吓？？駛唔駛咁絶情對我)

雖然我第一次見這隻頭頂粉經色咖啡杯的玉桂狗，不過他的動作好攪笑，左攞右攞又得意，特別是他的雙手十分短，跳舞時PatPat又會左扭右扭。

估不到這位人氣王季軍真人細細粒，真的超級得。

他表演單腳企一企， 已經連我這位阿叔也不禁即時拍手，我還忍不住大叫:「好嘢！！」(其實咁細粒...…係咪小妹妹扮嘅呢？ )  

12月25日，聖誕正日，Cinnamoroll會於15:00及17:00 出來2次給大家集郵...…

而Boxing Day當日，15:00更會走來即場跳舞。哦！！ 難怪今日Cinnamoroll舞步如此有趣，睇完玉桂狗跳舞，我開始有少少鍾意咗佢添...…！

即日至 2016年 1 月 5 日

馬鞍山新港城中心