昨日說到...…我們十月參加一年一度的鳳園嘉年華， 又做稻草馬，又食限量玫瑰雞屎籐，超正！
玩完嘉年華部份，當然就是準備導賞團睇蝴蝶啦！
因為穿梭巴士的司機放下午茶， 義工姐姐建議:「由路口行入「鳳園」都係10分鐘左右，當散步，可能好過白白企係度等15分鐘巴士」。
所以，我們便漫步鳳園路了...…
沿途我發現有4-5位龍友， 圍住鐵絲網捕捉一隻燕尾蝶， 我心諗:「入面鳳園唔係好多蝴蝶咩， 一隻黑忟忟嘅蝴蝶都有咁多人圍？」
每十分鐘一班的導賞，原來只剩最後兩團，真幸運，若剛才決定等待穿梭巴士的話，可能就趕不及報名。
距離賞蝶時間還有個半小時，於是我們便分頭行事，SY和我就走去上「水草玻璃瓶」工作坊。
剛才有小朋友大叫:「我好鍾意我做嗰個罐頭盤栽呀！」
但當他完成了龍貓水草瓶後，我問:「咁你依家兩個手作，最鍾意邊個呀？」
囝:「我兩個都好鍾意， 點解要我揀喎」(吖！人仔細細， 你都幾醒目喎)
終於等到導賞時間， 我們跟隨工作人員上山， 沿途有4個景點， 由不同義工講解香港四季特色的蝴蝶...…
第一個景點...…第二個景點...…第三個景點...…點解全部都只是看資料圖片呢？
又話「鳳園」一年四季都有不同品種蝴蝶嘅？ 義工說:「蝴蝶一般在早上就會出來， 下午日落前， 通常佢哋都走返晒返屋企…...」
「吓？？ 咁今日咪即係白嚟？ 難怪頭先幾個龍友， 一見到隻燕尾蝶即時撲埋去影啦！」
當我們去到最後一個景點， 工作人員說:「依度仲有太陽， 所以都有機會見到蝴蝶。」
說是遲， 也時快， 真的有一隻蝴蝶飛到一位團友的帽上...…不過，原來現實中的蝴蝶，並非如動漫中的翩翩起舞， 她們簡直如子彈一樣飛快，快得嚇死人。
蝴蝶幼蟲就有一條黏在小草邊...…不過義工說:「可能有毒，大家都係唔好掂好啲。」(好驚喎...…有毒？)
沒有近距離接觸蝴蝶的蝴蝶之旅，如果下次來真的要揀中午...…
正當我們非常失望，準備回程坐小巴離開之際...…奇蹟竟然發生在我們身前。
一隻蝴蝶不知不覺間停了在我們腳前的花叢，我說:「我拍片，阿太你影相……」。
我忽然覺得天賜美景，而且小蝴蝶還似在睡覺一樣，動也不動……
沿途有義工說:「嘩！你哋算好好彩，依隻係白傘弄蝶，好罕有架……」
我心諗:「真係架？ 好罕有架……Yeah！！」
嘴角也微微向上揚偷笑～
本來以為全日可以影到蝴蝶的，就只有牆壁上的蝴蝶畫。誰知世事無絶對，今日都算是完美的一天。
大埔鳳園網址：http://www.fungyuen.org/bf2015.shtml
【眾裡尋她】鳳園點樣搵蝴蝶？超罕有白傘弄蝴～妳好！
https://www.facebook.com/hayakutang
