近排無乜大動作嘅Samsung，係尋晚嘅柏林消費電子展（IFA 2014）終於有返啲驚喜，推出同樣牌彎曲式螢幕做特點嘅Galaxy Note Edge。實行要搶返年頭被LG搶走嘅風頭。
雖然早係上年十月，Samsung已經出過一部彎曲式螢幕手機 Galaxy Round，可惜由於其內凹陷式設計太過奇特，再加上訂價太高，搞到部機叫好不叫座。
而今次Galaxy Note Edge，就將新技術同舊設計二合為一：既有Galaxy Note嘅5.6吋螢幕加手寫筆、但又係邊位加入彎曲式觸控屏幕，等用家可以無障礙地用盡個5.6吋Mon之外，又可以繼續擁有觸控式選單。而係熄機個陣，側邊瑩幕重可以繼統以低耗電模式顯示時間及資訊、或者用來做快速選單操作手機。
而係配備方面，Edge同埋剛發佈嘅Note 4一樣，都係Super AMOLED 2,560 x 1,440解像度、2.7GHz 的 Snapdragon 805 4核處理器、3GB Ram及最少32GB Rom，不過係電池方面就得3000mAh，真係弱雞咗小小。
講真，今次Galaxy Edge個吸引力及外觀，都比之前嘅Galaxy Round更易令人接受，不過其後官方訂價就一定會貴過Note 4，買定唔買好呢？
