網民Sugar Lam在11月8日於Facebook公開自己受騙的事件，又指已經有多人中招，更附上犯人照片，提醒各位香港人。
發帖人表示：「(我)開開下工有個中年男人走左入我公司，話掉垃圾唔小心關左門，冇銀包冇鎖匙，個仔呢排要開工，做懲教署佢話，自稱係住我公司樓上，開頭問有冇相熟Van司機(同埋)的士司機電話，佢話問左4個司機車完佢去懲教再車佢返屋企再上樓都唔肯，佢話打算搵佢個仔拎鎖匙，屋企用電子鎖，搵師父拆要兩千蚊，裝返個上去又係錢，屋企仲有隻狗自己一個，佢之後就問可唔可以借錢，我開頭都考慮左，叫佢寫底左住址電話身份証，同影左佢正面照一張」。
Sugar Lam又表示：「佢(中年男人)離開公司約6點半，話當日8點半會返嚟還錢，唉但到今日都係冇影，電話係打唔通，我借左500蚊(係)有借據…」
為此，她在網上討論區公開事件，並根據網友的報料，發現騙徒曾在深水埗、石硤尾、大角咀和西環出沒：「POST完討論區，有個人傾開 佢又係咁既CASE﹗﹗佢都有張相係手，之後大家私下聯絡左﹗大家一SEND 相﹗原來係同一個人黎﹗」
確定中年男人是慣犯後，Sugar Lam已經決定報警，但由於資料不足，無得立案調查：「個犯人寫左全名、電話、身份證、地址俾我，個男警察叫我自己去證實 個地址係咪假...或搵多啲資料先做到野…我反問個男警員，呢D唔係要你地做既咩？私人地方我點話入就入，總之我而家只可以靠自己，去提點其他人﹗」
▼Sugar Lam稱被以下男子騙財。
▼Sugar Lam指出，自己向該男子借出500元。
▼下圖為借據。
▼Sugar Lam上傳的相關照片。
資料來源：Sugar Lam
