網民Naihang Tse在Facebook群組「西環變幻時」上傳一段影片，雖然拍片者上載影片的目的，是分享令人會心微笑的畫面，但卻引起網友間的罵戰。
事發在泓都三座側邊的小公園，一名女狗主讓自己的玩具貴婦犬，坐在專為孩子而設的鞦韆上，更推著牠玩。網友大讚小狗Cute爆：「可愛到暈！！！」、「佢好乖，坐定定，畀主人推，超爽。」
可是，有網友擔心衞生問題，而反對狗主的用法：「本來俾人坐，而家俾狗坐！」、「小狗雖然好可愛， 但唔係所有人都接受人狗共用公共設施！原本係比小朋友玩(坐)㗎嘛！！！」、「好似。。不是所有公園都可以讓寵物入㗎喎！」、「無公德心，狗狗應該去寵物公園！」
面對這些網友的看法，愛犬之人紛紛上前辯護「我並不是幫狗狗，但個鞦韆就算無狗坐過，都唔代表乾淨，咁小朋友摸同啜都OK？」、「狗狗坐完=唔乾淨？所以啲細路個patpat就最乾淨？」、「唔好喺韆鞦疴屎疴尿流口水就得…」、「如狗狗玩完後，狗主肯用消毒濕紙巾抹番，就功德無量了！」、「本來公園嘅設施只係畀小朋友享用嘅，不過見到佢咁可愛又真係話唔落口！希望佢主人之後會清潔番啦！狗仔佢都幾乖㗎！」、「算吧，已經無討論價值，跟足規定，不帶狗入園就是了。」
▼一名女狗主讓自己的玩具貴婦犬，坐在專為孩子而設的鞦韆上，更推著牠玩。
資料來源：西環變幻時
