<<幫人拍卡仲要駁上司咀>>

有時唔係我地老鬼睇唔起90後，而返工真係有返工規矩，Day 1返工已經講明唔好幫人拍卡，個FreshGrad(簡稱FG)俾人捉到仲駁我咀！嬲到爆炸！

FG：「阿邊個去洗手間，我咪順手幫佢拍埋卡囉，又唔係早走。」

我：「唔係早走遲走問題，呢個係公司規矩問題，你有無諗過如果公司容許其他人幫手拍卡，可能會發生啲乜事？」

FG：「呢啲係你地人事部要諗嘅嘢，唔關我事。」

我：「咁公司規矩你應該守喇卦？」

FG：「睇規矩合唔合理囉，無嘢做要我留到6點走Okay，但幫人拍卡咁少事就好心公司唔好同我計啦，我以前學校用八達通點名，老師都唔理我地有無幫人拍卡啦。」
＝＝＝＝＝
拎公司規矩同校規比，我真係唔識點樣教呢代FG。

=====