俄羅斯雖然睇落成日苦瓜乾咁面口，其實佢地日常生活荒誕之事，可能比起美國、日本有過之無不及。例如今次呢條片入面，睇落就只係一般馬路上面，因為隔離線有私家車想Cut線，重差小小炒埋一碟執。

咁情況，原先Cut人線個司機就落車同後面間Van仔理論，重想開人車門去講數。點知講講下，Van仔上面就有人落車幫拖，不過落車嘅竟然有米X老鼠、海X寶寶、重有冰河世紀隻松鼠同隻唔知乜。結果雙拳難敵八手，個私家車司機被人打到訓係度。而整個過程，就被後面間車嘅行車紀錄儀拍低晒。

雖然後面架車司機唔幫手好似好衰，但畀著我見到咁奇怪嘅事，我都情願用手機錄低佢慢慢笑好過。