時下部份青少年被稱為「廢青」，按字面的意思就是「頹廢的青年」，但究竟擁有甚麼特質，才可以獲得這個稱號呢？有Facebook近日上傳了一張名為「廢青10大特質 你中幾多個？」的圖片，列出10大罪狀。
1.窮
2.諗起第二日要返工返學就想死
3.只想去旅行
4.手機不離手，WhatsApp秒回
5.經常hea父母「得啦」
6.淘寶多過行街
7.煲劇(大台膠劇都話好睇)
8.成日呻眼瞓
9.間房亂到喊(同啲衫一齊瞓)
10.放假冇嘢做都要hea到凌晨三點先瞓
看過10大特質後，網民反應大多不受落，更逐一反駁：「除非你係富二代，唔係你廢唔廢都係會窮！」、「李嘉誠都覺得自己窮，梁特首成日去旅行，馬雲淘寶多過行街...佢地廢唔廢？」、「一個窮已經殺曬！！！」、「李嘉誠以前都好窮 但最緊要人窮志不窮！」、「人工咁低，工時咁長，物價咁貴，唔廢都變廢。」、「whatsapp秒回都算？大把人個whatsapp係公事用！」、「中9樣都唔怕！只要你唔係窮！有錢世界啲人係唔會當你係廢青！」、「6同7絶對唔會，最憎屠寶，見到馬雲想反胃，CCTVB你睇埋我份，其他係中的。」、「幾乎全部唔中，但仍然覺得自己係廢青，係而家呢個香港社會，活得同條咸魚無咩分別，點會唔廢！」、「原來我都唔算頹廢。。。」、「凌晨3點咁早訓…」、「11:參加社運！！！」、「佢少左一個好緊要既條件，就算所有條件成立都唔一定係廢青，就係你必需係年青！」
資料來源：食住花生等睇戲fb
