【Office解悶救星】攪鬼零食大列陣！三文魚軟糖、爆炸糖棉花糖……

同事J話:「阿仁每次食完飯都一定去掃零食嘅？」對！因為返工實在太悶...…加上家中有位零食焚化爐呀！

三文魚軟糖究竟是甜還是鹹？ UHA味覚糖」的新零食，打開包裝紙，就見到扮魚皮的三文糖。

阿囝問:「爸爸依粒咩糖呀？」(你試吓食， 睇下食唔食得出？)

當他一放入口，咬了兩口，眉頭一緊：「哦！係吞拿魚味壽司糖，鹹鹹哋又甜甜地，怪怪地，點解吞拿魚唔係做壽司？要做糖？」

(日本人就係咁有趣嘅民族啦)

軟糖內有一粒透明物體，最初懷疑是魚油丸，原來只是軟糖粒，魚腥味應該是糖上的魚皮發出來的。

攪鬼度:★★★★★

爆炸糖棉花糖可以有幾爆？ 兩款味道， 蜜瓜及提子...…我最初以為是一粒粒的棉花糖， 內裡再放入爆炸糖。

一打開， 原來是一大塊棉花糖， 再放入少量爆炸糖。棉花糖是街頭懷舊小食款，用支捧卷至人頭大細那款，而不是帶到BBQ燒來食的一種。

棉花糖甜到膩， 爆炸糖太少， 笠痴痴在Office不方便食……最佳食法放水，當「以羅菓子鹽」，一樣「炸炸聲」……

半杯水即時變有汽果汁，最正！

攪鬼度:★★★★

日版珍寶珠零舍不同， 果汁雙重味玩Twins喎！ 

士多啤梨併檸檬、香蕉配車梨子、菠蘿加提子、桃伴藍梅，邊一隻味最好食？

如果返工一邊食， 一邊打字， 最醒神一定揀菠蘿提子。

阿囝:「隻隻都好食喎...(你有乜所謂吖， 又唔駛返工， 又唔駛捱老細鬧)， 媽媽鬧算唔算？」 

攪鬼度:★★★★

Love Live 杯麵是暑假我到日本，最想買但又懶去郵局郵寄的東西。當時一買便要買一箱2000円十二碗。

哈哈！慶幸沒有買， 今時今日香港一樣有—辣味豬骨、豉油豬骨，前者好味到無得輸…...(豉油豬骨則普通得緊要)

醉翁之意不在麵， 其實我一心只想集齊4款Love Live貼紙！ (哎呀！ 原來唔係每碗也有貼紙， 我買4碗得一碗有……激死我！)

好味道:★★★★★ (辣味豬骨)

一邊食辣味豬骨杯麵， 一邊飲桃味汽水絶配。不過平時淨飲就略嫌桃味淡口了一點。

日版芬達真好，香港飲了幾十年都是橙味...…桃味再濃一點就更好。

好味道:★★★

昨日吃完吉林屋綠茶甜品， 真的回味又回味……見到Kitty Crossover牛奶妹綠茶曲奇，樂駝柒黃小姐話:「幾好食㗎！仲有啲nuts添。」

嗯……十元八塊的綠茶曲奇，味道當然不能與200年歷史的綠茶店比較。勝在便宜，就當作下午茶止口痕之用吧。

(PS:點解乜都關Hello Kitty事呢？)

離奇度:★★★

樂駝柒

觀塘開源道60號駱駝漆大廈第3期1樓N室

12:00 - 19:00 (年中無休)