時代廣場上演中的星球大戰

《星球大戰》重臨Times Square， SY問我:「今日帶我去邊度玩？」， 我:「銅鑼灣睇Starwars， 上次打黑武士嗰度呢！！」

如果上次是序幕， 那可以參與， 可以互動一定精彩過今次「齋睇無得玩」。

上次阿囝可以扮絕地武士， 與活生生的黑武士過招， 每位小朋友都不知多興奮。

SY一到達大大聲跟我說:「今次我去打邊個？」， 我答:「無得打喎， 今次得個睇字咋」。

SY:「係喎！把劍真係黐實嘅」， 可能香港太多商場Show...…無互動， 絶對無癮。

激光劍攝影區的四把劍，如果要拍攝到無人背景， 真係難過。

如果四個朋友， 紅色、藍色、綠色及《原力覺醒》的十字紅劍， 每人一把， 應該就可以雄霸全個場館。

1：1 經典角色簡直又愛又恨， 暑假去日本後樂園， 他們80個幪面超人、紅戰士全部只是圍欄， 不用封玻璃...…港地， 只否怕強國人多手多腳嗎？ 我對香港人的自律性有信心……不過來自鄰近的經濟強國人民又真的不能保證喎。

但加了玻璃，  黑武士， Clone Captain Rex的一方， 反光反到根本任何角度也拍攝不到...…失望加失望。

幸好R2-D2、C-3PO、尤達大師的一邊則可以避過反光， 我就當然影得很投入……

為何13個角色中沒有Chewbacca ？其實我已經很克制， 每個人物也只是影三、 四、 五張相...…

不過我身旁的小朋友就非常不耐煩……

SY:「爸爸好悶……影完未呀？ (我:你唔覺得佢哋好靚咩？)， 核突到死， 又恐佈， 又無嘢玩」

因為我還未跟Boba Fett的一邊拍照， 於是唯有跟小朋友講故事..……幸好也可以將他拖延幾分鐘。

我對囝說:「E個Han Solo好慘， 被人封咗入碳化箱冰凍咗， 之後佢隔離個Boba Fett， 仲將佢賣咗畀個大舊衰」

囝:「好得人驚...…不如走啦」(講完仲衰...…早知唔講啦)

臨走前， 我終於發現Chewbacca， 不過只是Hot Toy Figure版， 細細粒， 但真的靚得緊要， $2100的價錢， 我就慶幸我沒有跌落Hot Toy的深淵。

1：1白兵列陣在上次阿囝學打劍的地方， 他一見到8 隻 Stormtrooper就說:「上次都係2個， 今日咁多個喎」， 可惜全部都是假人呢！！

每次可以有8人入場， 每人5分鐘...…估不到小朋友還記得上次黑武在後台走出來……因為他突然走了入佈景板內.……

我大叫:「你做咩呀！！」小朋友一邊走出來， 一邊說:「我扮上次黑武士走出嚟…...你拍Video啦...…爸爸

老老實實， 如果佈景又設有後台……是否表示之後展覽的第二期， 第三期……好戲在後頭？

12月17日《原力覺醒》上畫， 會不會Times Square又來一次上次迪士尼的萬人角色大巡遊……我好想好想好想呀！

時代廣場《星球大戰》展覽
展覽日期：10月24日至11月15日