話說唔係大陸出聲，筆者覺得好多人唔記得依家講緊嘅政改，原英國都有份傾，而個份野就叫「中英聯合聲明」。當然依家就係連佢地都覺得唔妥，所以先會連佢地下議院都話要調查下中國有無違反當年「聯合聲明」。
不過大家都知一講到合約精神，中國政府就有如好多搞大條女個肚嘅男人一樣：懶皮。而且今次重要搵駐英大使施壓，要其國會下議院停止調查。（大家可能唔知，其實97年之後英國外交大臣每半年，都要報告一次中英聯合聲明執行情況。因為呢樣都關乎到佢地國家聲譽，唔似某國家一樣不要面）
其實大陸最緊要其實就要學吓何謂以靜制動，反正肉以咬到口，就算英國話佢違反協議又奈得佢咩何？反而大大方由佢查，就睇佢查得出乜。然後用返佢國際玩法同佢玩呢場外遊戲。就算結果最終係點，都唔會傷到自己國家面子（因為根本就無）。
反正唔係身有屎，被人人查又點會驚？唔係搞到好似反佔遊行個班咁，開頭又話要告有線誹謗佢地派錢，結果有線一企硬，班人咪又得個講字。
By the way，英國國會個外交事務委員會主席Richard Ottaway係接受訪問時，就事件回應都好妙：
「無意刺激中方亦沒有因為中方致函感到冒犯，只是希望中方明白做事的方式，可能委員會最後結果說不定發現，中方行為完全合理。」
簡單來講，就係叫大陸對呢個調查「袋著先」，之後可能中國會覺得調查結果唔錯呢？就有如中國依家硬銷政改方案手法一樣。
