九龍城一直是小泰國 以往到九龍城都只是集中一兩條街,最近兩年越來越多各式餐廳登陸,早前約朋友Girls Talk就到其中一間Cafe。


平日晚上的九龍城都幾冷清,全場只有兩枱客人 High Five位於舊樓的地舖,勝在樓底高。

而佈置也花上心思,裝潢以木系為主,柔和的燈光,枱面有些小盆栽,牆上有本地插畫師的作品。



好可愛充滿少女味,好適合Girls Talk。

Menu選擇不多,反而飲品就較多款,反正Girls Talk都不會吃太多。

首先來個巴拿馬火腿無花果沙律 。

巴拿馬火腿配哈蜜瓜好少出事,鮮無花果則第一次吃。

味道清新清甜,不過未習慣這個味道。


薯皮本身我都幾like,薯皮焗得幾香脆,亦有creamy的焗芝士。 

不過略嫌木魚碎太多太乾了,旁邊還有忌廉芝士醬 ,不過因為個人不喜歡所以無試過。


秘制燒烤醬雞翼,脹卜卜的炸雞翼。

配上特別的燒烤醬汁,少少甜少少酸很惹味。

不過食完2隻後一碟都是油。 

配沙律菜是明智之選,減低少許罪惡感 哈哈~


海鮮扁意粉

有大量蒜片、香草、青口、魷魚、大蜆、紅椒,意粉煮得恰到好處,主要以香草和黑椒提味,味道清新得來不會像白汁般太heavy。 

美國頂級穀飼肉眼配紅酒汁

這碟主菜未食之前已經被外表吸引,一邊有一些顏色鮮艷的配菜和薯蓉,另一邊有原個焗蒜頭,撩開蒜肉已經焗成蒜泥。

切開牛扒也不會太韌,這個牛扒追回不少分數。 


飲品方面原本我想點冰搖咖啡,可以已經售罄,又對其他咖啡不感興趣,最後點了冰涼的蜜桃沙冰樂。 

蜜桃普通甜少少酸,啱啱好。


朋友就點了Romano(咖啡+檸檬皮) Expresso後果然有一片清新的檸檬皮 另一位朋友就點了Affogato(咖啡+雪糕)

就是Espresso配合雲呢拿雪糕,今個夏天好興喔!


就像之前分享過其他的九龍城食店文中提及沙中線最快將在明年通車,當有主要交通重臨九龍城,就是九龍城再發光的日子。

除了一些傳統食店,這兩年吸引了很多食肆進駐。

所以要尋味,九龍城都是一個推介!


是次小分享完畢。

Aminn | Beauty.Food.Fun.Travel.Trendy| 


 九龍城尋味:Give me Five~

 www.fb.com/m.for.aminn