Facebook專頁「高登貼圖區」上傳了一張名為「港鐵職員城管化，捉盲公竹過長」的照片，引起網友的熱烈討論；事關網民Ellen Chan拍攝到一位身高差不多6呎，而且滿頭白髮，並戴上墨鏡的視障男子，在港鐵大圍站車站月台拿著一支盲公竹，希望港鐵女職員指示方向時，被職員問及「你宜家係咪要搭車呀?」當她得到「是」的答覆後，便立即走入月台長室。隨後，一名男職員走出來，並說「你支野呢，最好短過130cm。」再用軟尺量度，令拍攝者和身在現場的乘客Z「O晒嘴」。
網友回應：
「又係港鐵條所謂嘅規例自己講：所有貨物不應超過130cm，總長度不應超過170cm，盲公竹係貨物黎?? 係咪遲要連BB車/輪椅都唔入得港鐵??」
「真係火都嚟。冇嘢嘛。人地睇唔到嘢架……度咩呀？比我喺現場真係會喪鬧個職員。」
「港鐵宜家好明顯係玩嘢，因為佢哋認為港人冇咗佢哋唔得，所以就算點玩港人都要幫襯佢，要有效反擊，就要少坐港鐵或唔坐港鐵。」
「啲人點解都掛住影相都唔即時幫個位人出聲?」
「等等先，如果真係盲公竹既，咁既色????」
▼港鐵職員疑捉盲公竹過長。
資料來源：Ellen Chan、Facebook@高登貼圖區
