【冇咗個橙執番個桔】陀螺凳轉到唔捨得走

PMQ燈籠又來啦！！ 因為去年中秋PMQ實在太正， 所以今年要第一時間去。

近年我去PMQ次數， 較過去我家附近的新世紀廣場還要多， (我連新世紀改咗名都唔知啦)。

去年PMQ又有浪漫燈籠， 又有免費工作坊， 又有貼紙相， 更有Live Band演唱， 開心到暈， 今年點解...空無一人？

地下花園有10個個高過人的Smiley巨型燈籠， 本來確實靚過去年， 不過點解今年如此冷清， 無人唱歌？

阿太答:「係你先話靚， 係你先話嚟啫， 邊有人嚟吖」(我如果知咁水皮， 就係先知啦！)

原來今年連工作坊， 貼紙相一樣欠奉， 工作人員答:「唔好意思， 暫時中秋活動只有Smiley燈籠」(吓？點解今年縮皮架)

正常我以為阿囝會悶到發慌之際， 他突然大叫:「爸爸過嚟玩啦...哈哈哈」(坐係張凳有咩好玩？)

原來， PMQ大堂放了20張陀螺形的凳， 質料似十足用3D打印技術出來效果， 最初玩的時候， 不論大人， 小朋友也「就住就住」， 阿囝:「好驚呀...媽媽唔好轉咁大力啦」

到當自己可以順利自轉一次， 心驚驚會「倒樹蔥」， 結果原來會安全無恙之後， 人人都大膽起來， 不停轉， 轉住自拍， 加快速度， 直情挑戰高難度動作。

小朋友簡直轉上癮， 轉到不願走， 幸好我們有一位愛影杯緣子的阿太， 所以阿囝又可以繼續他的左轉右轉， 甚麼新花款喎。

原來這張陀螺椅值$4,800， 其實有沒有人買， 我屋企個廳放了這張凳， 都再沒有空間轉啦！ 囝:「我想要手裡劍戰隊多啲」(識貨)

不過， 老仁家不宜轉得太多， 我有點轉到想嘔...(好彩PMQ有張凳玩吓， 唔係今晚實悶鬼死， 估唔到一張凳， 阿囝都可以玩得咁Happy)