網民PokYin Lpy在‎Facebook群組「Tai Po大埔」上傳了令人大感嘔心的照片，事關相中的男童疑似在東鐵車廂的座位上屙尿。

拍攝者憶述：「真係超恐怖，本來我用用下電話聽到個呀姐話佢(男童)過份，我先望過去睇下咩事。以為個細佬企上張櫈到啫，再望深啲。個大媽係甘用紙巾抹，仲要黃色既，真係好醜。」他目擊男童屙尿後，已經在列車途經火炭站時，致電通知港鐵，但沒有職員在沙田站上車處理；駛經大圍站的時候，亦只有一名職員在車外觀察一下；直至駛進九龍塘的月台，才有兩名職員上車處理。

由於拍攝者於九龍塘站下車，因此未知職員有否跟進事件，亦不知道在仍未清潔前，有沒有「幸運兒」坐上這張尿櫈。

網友回應：
「行為比禽獸更不如！」
「有無核突左啲呀??嚇到我以後有位唔敢坐....」
「你班香港人學下蘇局長，包容下啦！」
「我係你即刻㩒緊急掣！」
「港鐵唔正視問題！咁下次我急起上黎喺地鐵痾，你唔好告我公眾地方行為不檢呀！」

▼PokYin Lpy在‎Facebook上傳了一張男童疑在東鐵車廂的座位上屙尿。

▼PokYin Lpy目擊男童屙尿後，致電通知港鐵，但職員處理緩慢。

▼網友認為港鐵需要正視問題。

資料來源：PokYin Lp、Facebook@Tai Po大埔