【壓力救星】治癒專家 扭蛋界新寵「杯緣子」殺到嚟

上個月， 我們去日本， 阿太瘋狂掃「杯緣子」， 不停扭， 不停買. 我問:「你好鍾意E隻嘢咩？」阿太答:「你唔覺得襯落D嘢食度， 好得意咩？」(唔覺喎)

記得當日她原宿傳了一張巨型 「杯緣子」的Figure給我， 叫我到秋葉原代為尋找。

結果我問每間玩具店， 答案也是未曾見過如此巨型的版本， 全部都只得細細的扭蛋。

原來這是懸賞品， 2013年將靚靚「杯緣子」照片， 投稿到日本Twitter， 冠軍就可以獨得大緣子...阿太:「2年前咁耐喇？」(比我贏咗...無100萬円我都唔放啦)

杯緣子年頭更推出沐浴波波， 浸浴時放在浴缸內， 波波便會溶化， 杯緣子就會出現. 不過有人懶不想先清潔浴缸， 所以直接用水浸出杯緣子便算。

我:「不如你擦乾淨個浴缸， 順便浸埋浴啦！」阿太:「Hey...我想第一時間要個公仔呀！ 我唔係想浸浴呀」(會唔會好嘥呀...不如比我用嚟浸浴啦...阿太:「咁你自己洗個缸囉)

可能解釋一下「杯緣子」（コップのフチ子）的來歷吧！ 其實她是2012年7月誕生的， 由一家只有10個人的日本公司「奇譚クラブ（奇譚CLUB）」研製的扭蛋。

杯緣子一般以OL造型， 玩家就將她(們)坐在杯， 碟邊緣位置拍照之用。其實近十年， 扭蛋也進入黃昏期， 但「杯緣子」一出， 截至去年竟然被扭出超過700萬個。 (Bandai都驚親！！)

由2012年起， 有關「杯緣子」的扭蛋/盒蛋， 最少就有41套之多， 不過當中大部份是改色版， 例如同一套造型， 一般會有紅， 藍， 黃， 綠等顏色。

對於奇譚クラブ標榜「杯緣子」是治癒系飾物， 我問阿太:「你好大壓力咩？」她不停瀏覽「杯緣子」網頁答:「你唔覺得佢哋細細粒， 個樣好過癮？」

CrossOver系列， 「杯緣子」曾經與米奇， 「船梨精」， 及農曆年尾， 連香港全線7-11也有上架的Hello Kitty盒裝。 (當時真係間間7仔都返一大盒， 但全部幾日就畀粉絲掃清)

無孔不入的杯緣子不斷CrossOver， 雜誌送特別版..阿囝:「媽媽...E隻你咪有囉？」阿太:「唔同架， 本書係限定版$100架， 送嘅係黑色， 我之前抽係橙色」

最近阿太開了「杯緣子」的Fb專頁及Instagram， 她說:「果然杯緣子都係年輕人玩多， 我一放上Instagram， 多人Like過Fb好多， Fb真係老餅玩」(所以我同你咪仲玩緊囉)

現在阿太日日也帶同一大袋「杯緣子」在身， 她說:「我要每一日緣子呀！」(聽住先...睇下新屎坑可以維持幾多日吖！)~

來自http://ameblo.jp/kitanclub/日本「杯緣子」粉的拍攝， 阿太偷師機會呀！