網民Louis Li把Henry Hui上傳的一張照片，轉載至Facebook群組「高登爆料討論區」，相中一對老人家在乘搭由屯門開出至新蒲崗的61x巴士時，一直施展「飛象過河」的絕技，把雙腳放在對面的座椅上。

網友對照片的反應不一，有的不認同老人家的行為，指責他們為老不尊，但亦有不少人力撐老人家，反指拍攝者小題大做。

支持拍攝者的網友：
「冇公德心真係無分國籍、地方、性別同年齡....唉.....」

「公德心應該冇界限，唔通有人亂吐痰掉垃圾，可以因為年老而算數？」

「點解一影啲老嘢冇公德，就有大把人護航話佢唔識嘢，忍讓下？兩蚊搭車仲要似老賣老，你話冇咩人。OK冇問題，但斷估呢個藉口點都講唔通囉。你都唔會因為冇錢而偷嘢食，然後差佬會放過你囉。你話佢地唔識嘢，你唔好同我講佢連坐位係比人坐都唔識囉!」

「R爆頭，如果相中為年輕人，避免不了一番起底然後屎忽開花，有得坐已經好舒服啦好嗎!」

「尊重長輩係應該，不過有啲就會似老賣老，唯有忍一時風平浪靜!」

支持老人家的網友：
「呢啲冇人都問題不大，最憎啲老人家似老賣老次次打尖!」

「睇到後面好多位都無人坐，你話人多阿公阿婆唔比人坐就話啫！影果個都多餘！！」

「成架巴士咁多位。唔係阻到人咪算啦。我反而覺得兩老好可愛。白頭到老，咁多年都咁夾!」

「你一係就當面好聲好氣咁叫佢兩個擺番隻腳落嚟，如果唔肯聽既，一係你就衰啲咁諗佢兩個都唔擺得幾耐，咪俾佢練習下第時點樣擺好隻腳先囉，況且有時老人家隻腳屈住唔舒服，你未隻眼開隻眼閉囉！你咁樣影低放上黎公審做乜野啫？」

▼一對老人家在乘搭61x巴士時，一直施展「飛象過河」的絕技。

資料來源：高登資訊台