狗狗牙齒問題小測驗

之前曾經同大家分享過原來有8成3歲以上嘅狗狗都有牙周病嘅問題，結果好多主人都同我地反映佢地好擔心狗狗患有牙患。其實唔洗怕架～要知狗狗有冇牙齒問題好簡單～等我地一齊黎做個小測驗先啦！

請主人留意狗狗有冇以下徵狀，有嘅請✓選

▢口臭

▢牙痛

▢牙齒變黃

▢牙齒表面有牙結石

▢口腔或牙肉出血

▢進食時食物會掉出來

▢沒有食慾

▢體重下降

每一個✓加一分，計完總分一齊黎睇下分析啦！

0分

恭喜哂！！你隻狗狗口腔同牙齒好健康！但係主人千祈唔好因為咁而自滿呀～！要記住每年都要定期帶狗狗接受獸醫專業嘅口腔同牙齒檢查，幫狗狗預防潛在牙患～繼續加油！

1－4分

你隻狗狗有可能已經患上牙周疾病>_< 呢個時侯，主人請全面檢討自己幫狗狗做嘅日常口腔同牙齒護理足唔足夠。如果問題日漸嚴重，主人記得要即刻帶狗狗去接受獸醫專業嘅口腔同牙齒檢查呀！

5－8分

表面睇黎，狗狗患有牙周疾病，建議主人快啲帶狗狗去獸醫度接受專業嘅口腔同牙齒檢查！！除左睇獸醫做檢查之外，主人亦需要全面檢討自己平日幫狗狗做嘅口腔同牙齒護理。記住呀～只係刷牙都未必夠架！主人仲可以買潔齒骨俾狗狗食，幫狗狗喺日常生活中護理牙齒：）一齊加油啦！