【免費任瀡任玩】街馬嘉年華少少人　多多趣~好玩到爆!

朋友C:「星期日(6/9)一家去玩香港街馬嘉年華吖？」， 我答:「吓！我哋係商場人...跑街馬？ 唔係講笑呀？」朋友C:「係玩嘉年華遊戲， 唔駛跑㗎！」(咁又去得過喎！)

阿太問:「嘉年華係邊㗎？ (荔園嗰度囉)， 吓！玩咩都要錢㗎喎...同埋， 唔係執咗喇咩？」， 其實我也不知道. 不過有免費入場卷， 走去看一看吧！

其實， 30度高溫， 由金鐘地鐵站， 途經天馬公園， 再轉入荔園...老實說， 已經有點頭暈暈. 囝:「影完未呀？ 一陣玩遊戲有冇冷氣㗎？」(我都好想有...)

本來一心想帶SY來玩滑水梯， 可惜大會規定1.3米以上才可以玩， 我對囝說:「咁你睇爸爸玩...出年你先玩啦」， 囝:「出年我都唔敢玩呀！ 高到嚇死人嘅」(吓？ 得7米...好矮咋喎)

因為入場人數不多， 我懷疑宣傳太少， 而且得一天， 所以來來去去也只有十多人排隊。

對玩家來說， 當然好事啦...我只花了30分鐘， 就已經玩了4次...老實說是非常好玩， 但因為不想一老一嫩「乾煎」， 所以我也放棄玩第5次。(雖然我好想繼續)

除了滑水梯是免費外， 大腳八同樣不用錢...本來以為要合作...左右左右跟足節奏， 才可順利向前行。

原來只要大人在前， 小朋友在後， 細細步， 細細步的向前行， 大腳八完全受帶頭的一方控制的。

玩完兩個戶外遊戲， 還有一個免費的障礙比賽， 最正就是障礙賽是在冷氣帳篷內舉行....發達啦！！

大人可以歎冷氣之餘， 其實我也不知道為何阿囝如此的愛跑跑跳跳， 他竟然玩了足足5次

我本來想繼續涼冷氣， 任由SY玩十次， 二十次...可惜工作人員說:「我們收工啦...玩埋最後一次啦」(16:15就收啦...真係可惜， 拜拜喇...可愛的冷氣)

我第一次發現去嘉年華， 可樂竟然只賣$6。 (我無記錯！！ 暑假荔園一罐汽水好似要$20)， 嘩！超值呀！ 抵抵抵！！ (咁樣先係良心嘉年華麻)

「姑寒」是會遺傳的， 當SY知道其他攤位遊戲， 全部也要$10， $20， $40， 玩一次， 他竟然主動要求:「不如淨係睇吓就算， (你唔想玩咩？)， 我想慳返啲錢一陣食雪糕仲好」

(我唔鐘意食雪糕㗎喎....咁佢一定係遺傳咗阿太鐘意食Haagen dazs啦！！)

其實， 我也沒有帶SY來過荔園， 所以$20瀡恐龍， 我也想SY玩一下， 留個紀念。

誰知他答我:「你玩我咩？ $20蚊瀡一次咁窄條梯？」(咁又係...我頭先玩水梯7米都免費， 仲要玩咗4次添)

沒有想到9月3日荔園也結業， 今日也可以算一家三口終於來了一次， 難得「執笠」後還可以入場， 就在恐龍仔前來一張合照吧！！

拜拜街馬！！ 拜拜荔園！！ 明年再見。 (出年街馬應該實有...荔園會唔會再有呢？？ 如果有...希望消費都可以好似今日咁就最VeryGood)