【生日門票有著數】畀多2300円入迪士尼‧有禮物仲不停有祝福

我:「香港都有迪士尼啦！ 山長水遠去日本又係去迪士尼？」

太:「咁你個囝鍾意， 你去唔去吖？」(一出皇牌， 當然羸晒啦！)

18年沒有再去日本迪士尼， 原來變化真的很大， 是我記憶錯配， 還是東京迪士尼真的擴建了， 不得而知， 但阿囝好似撞邪一樣的興奮就是事實。

朋友P兩星期前一樣遊日迪士尼， 我看到他們購買了「生日服務套票」， 好奇一問， 原來只要上網多付2300日圓， 便可以有公仔， 有紙相架， 有生日襟章。

http://www.tokyodisneyresort.jp/special/birthday/index.html 

(我哋唔係生日都申請得)， 朋友P答:「車！你有錢就得啦， 無人理你...嗰個生日襟章， 一帶上身， 人人經過都同你講生日快樂， (咁咪好正囉)， 煩到死就真」

為了預先和阿囝慶生， 所以阿太出發前就在網上訂了門卷， 果然今日人人也為身帶生日章的人送上祝賀。

 (因為囝嫌襟章太重， 之後變了阿太配帶， 臨走前變了我， 所以我們一家三口也先後不停有人祝福， 今日真係全家都好幸褔呀！)

PS: 點解日本迪士尼咁貴， 大人9200日圓...原來香港迪士尼真係好抵！

我又問朋友P有冇乜嘢係必玩呀？ 朋友P:「Star Tour 同怪獸大學一定要玩呀！ 史迪仔同ToyStory就同香港一樣...(哦！即係玩完頭兩個就走得...正！！) 」(囝:爸爸...你唔係講笑呀？)

原來Star Tour就是星球大戰， 一大班人坐上太空船， 戴上立體眼鏡， 左搖右擺， 橫衝直撞， 阿太:「好刺激呀！」阿囝:「好驚就真」， 我:「如果再衝勁D， 仲正！」阿太:「你都變態！」

大家記得如果去玩Star Tour， 一定要左邊， 及右邊太空船各玩一次， 因為畫面內容會有不同呀！ (阿囝:「一樣都係咁驚...」)

好玩指數:★★★★★

等待時間:耐耐

怪獸大學即等同香港的巴斯光年， 不過巴斯光年用槍， 有得計分， 怪獸大學就用電筒， 照「M」字...最欠缺投入感， 就是不計分...

Star Tour可以同一時間可以容納6部太空船， 每艘船20人， 所以早上最多人時間也只排了30分鐘， 相反， 怪獸大學足足要等足120分鐘才可以入場...

幸好， 我們一早12時拿了快証..哈！哈！ 晚上9時20分。 (我話走話走， 卒知也敵不過一老一嫩， 等到放完煙花， 10點先可以走人)

好玩指數: ★★★★

等待時間: 耐耐耐耐耐

那中間我們又做了甚麼呢？ 不聽朋友言， 吃虧在眼前， 日本的巴斯光年， 與香港的真的Twins一樣...阿囝:「一樣， 嗱！E度又係， E邊又係」(根本就100％無分別...點解我仲要嘥90分鐘排隊呀？？)

當中我們遇上三隻小豬， 與大豺狼...阿囝問:「點解個姐姐要搵豺狼簽名呢？ (可能佢鍾意隻豺狼囉)， 我唔鍾意， 佢條脷咁長， 咁恐佈」

原來， 日本迪士尼的爆谷除了焦糖味， 還有鹽味， 及咖哩味...我問爆谷姐姐:「點解糖味爆谷車仔少人幫襯， 但咖哩味就大排長龍呢？」

爆谷姐姐:「日本人冬天先比較鍾意食甜爆谷， E家係夏天麻」(哦！ 原來如此...咖哩味爆谷薯蛋頭只有阿太說好食， 我和阿囝都係傳統香港人， 揀了三眼仔甜爆谷)

今日， 阿囝應該同一日之內， 洗手次數， 就是一整年的總和...因為米奇頭番皂泡不易玩...

園內有不少洗手盤都有米奇頭番皂泡， 但有專人教授的， 只有飛濺山下的水龍頭...

其實， 我也覺得有少少浪費物資， 因為米奇頭不是一學便會， 最少要苦練3-4次...

(有時都係有人幫手好， 否則真係洗手都洗到都甩， 隻米奇都未成形)

人人都說:「日本迪士尼啲嘢真係靚好多...」， 對！ 就連走入餐廳， 買一份甜品， 也會連杯， 連碟送你一套...

(當然羊毛出自羊身上， 其實蛋糕價一早包含成本)， 阿太不停:「好靚！ 好靚呀！ (乜你鍾意愛麗斯咩？)， 車！ 靚就得啦...你理得我」

最後必買就是三眼仔綠茶糯米糍， 我買的原因....當然就是要儲那個三眼仔頭的小盒啦！！

糯米糍好食與否已經不重要...(當然只要是朱古力， 阿囝就一定話好好食啦！)， 三粒也是不同口味....不過當日我已經攰到喪失了味覺。

今晚沒有煙花， 變成燈火匯演...等等等...等等等！！... 阿囝:「嘩！ 成個天光晒...」(我都一天光晒， 可以返酒店啦！)

日本迪士尼會不會營業時間太長呢？ 十點關門， 我們十一點半才回到池袋， 絶對去迪士尼辛苦過返工...再見啦！ 日本迪士尼...我15年後先才來探你啦！