一家三口上星期遊東京， 第一晚返酒店前， 阿太說：「我哋去機舖打TsumTsum囉」(好似半年前都已經開始玩啦喎...咁Out仲有冇得玩㗎？)
雖然我十世沒有再打街機， 原來今時今日打一次機要500円？ ( 哦！ 原來500円包一隻TsumTsum公仔扭蛋， 沒有公仔則只是100円玩一次， 都幾抵喎)
我們玩了兩晚， 後來第三晚才有店員向我們說明， 日本機舖列明， 晚上指定時間後， 小朋友是不能進入。我跟店員說:「不過部TsumTsum機係大門口咋喎」， 但依然不得要領。
所以， 之後我們選擇早上去玩.... 都算好彩， 我們抽了六次扭蛋， 每次的公仔也沒有相同， 而且又儲齊Chip ＆ Dale。
好攪笑， 部機可以感應你的扭蛋公仔是那一款， 於是你就用她來打機...而且你用同一隻扭蛋愈玩得多， 更加會升Lev...
(即公仔入面有一粒晶片， 咁500円當儲隻公仔， 又有得玩， 都OK抵嘅)
8月18日 - 23日德褔Virtual Zone也引入了TsumTsum機， 7元純玩遊戲， 35元可以用扭蛋公仔玩。
我家阿太絶對是神級Tsum迷， 因為她今時今日依然每日Tsum不停， 她說:「貪得意打幾舖就話啫， 次次7蚊， 不如我玩返我部電話」
打機小貼士:
1) 日本有一片布， 記得抹乾淨螢光幕才開始， 否則感應速度減慢外， 當你玩完後， 隻手指一定黑忟忟。
2) 雙打有著數， 因為單打最多只可以玩兩關， 但雙打， 則可以你贏一關， 我贏一關， 之後就可以多一關決勝負....(都算著數㗎)
3) 因為Virtual Zone的電話未能接通， 未知小朋友能否入場。
4) 德福的扭蛋是第一代TsumTsum， 日本已經絶版， 或者可以扭齊一套賣回去日本賺少少水腳錢喎
5) 兩隻手指玩都得， 所以要高分， 一定比玩手機容易得多
香港都有得玩@Virtual Zone
時間：8月18日（星期二）~23日（星期日）地址：香港九龍灣德福廣場第二期6樓611-2號鋪
【街機TsumTsum攻略】香港都有得打啦!!
https://www.facebook.com/hayakutang
