網絡圖片

舊同學聚會,H 君罕有出席。朋友當中,創業家極少,更不用說是成功的創業家了。H 君是異數,創業十年,由三個人的小企業,發展成今天養著過百員工的大生意。

我欣賞這個朋友,因為他出身小康,自畢業以來,靠自己,建立自己的人脈、信譽、管理哲學。更值得敬重的是,他做很多善事,而且需要他幫忙的朋友,他不會問長問短,幫了才算。「華仁一家」的精神,在他身上發出光芒。

雖然好 buy 佢,但那次聚會,H 君說了一句話,我小器地記住了。聚會當日是星期六的午飯時間,H 君接到員工電話,說了幾句之後掛線。其中一位朋友問 H 君:「你啲 staff 好勤力喎,星期六都返工。」我當然知道,只有金融人才會奉旨星期六放假;有很多公司,就算是位於中環的某些企業,星期六都要返工,多數是長短週,少數是逢星期六都要工作半天。

H 君的員工守則,卻比逢星期六上班半天更盡一點。他說:「係呀,佢哋逢星期六都要返到兩點㗎。」吓?兩點?咁喺公司食埋晏?「唔係,放工先食囉。」咁大鑊?淨係前線嗰啲,定係全公司都要?「梗係前線同文職都要啦,搵食艱難呀。」我知搵食艱難,就係搵食艱難先要畀佢哋放鬆吓嘛。「葉公子,我呢啲牛頭角大嘅,靠自己做生意,乜嘢都要鍊得好盡,你唔明㗎啦。」

就是這句話,讓我小器的記住了。誠然,我不是做生意材料,因為天生就是沒有這種觸覺和執行力。我覺得自己算是個稱職的管理人和前線職員,但管理和銷售做得好,不等於創業會成功。話雖如此,我唔覺得盤數「揸得緊」代表要事事「鍊到盡」。我認識很多老闆,他們的性格,我敢說我摸得很透。

很多人的誤解是,孤寒的老闆,通常出身寒微,闊綽的老闆,大多是富家子弟。No way啦,你睇城中某富豪嗰兩個仔就知。大仔出名算死草,未至於會刻薄你,但肯定唔係「豪」嗰隻;細仔大情大性,睇準機會,就瞓身做,請最好嘅人做,人工再高都唔係問題,最緊要 deliver 到。

出身和處事手法之間的關係,其實真的不是這般直接,一切都是性格使然,另一個好例子是肥佬黎。佢出身係點,唔使多講,但認識他的人都知道,佢闊綽。總之他認為會賺大錢的,他會咬著不放,盡可能親力親為,邊個值得請,他會重金禮聘。這種人做生意,不是捨得花不捨得花的問題,而是他們相信,給他做起了這盤生意,回報會是幾多十幾多百倍,開頭的闊綽,將會只是營運成本的一部份。

孤寒的老闆會成功,闊綽的老闆也會成功。他們的分別,是信念。一種老闆屬於務實型,看得最緊是一盤生意的 sustainability,即是持續能力;另一種老闆也把 sustainability 看得緊,但他們自信,喜歡刺激,有點石成金之異能,相信每次商機均蘊藏著無窮的爆發力。

從股東角度,兩種老闆,各有各好。從員工角度,哪種老闆好,不用多說。我只想對 H 君說,任何人都可以肯定,你的生意做得很好,但任何時候都千萬不要否定,對員工闊綽一點,生意會做得更成功的可能性。


 兩種老闆

 https://www.facebook.com/marcusyiphk