【週日好去處】爆人氣港台手作嘉年華!!! 《重量級》 FUSION午後市集

陽光燦爛的周末， 我一早到中環海濱逛Afternoon《午後．市集》(8月8日， 9日兩日限定)， 雖然我好怕熱， 不過這個手作人的名牌， 一定要去。

這個Fusion市集， 可說是近年最大型的戶外手作市集。 由模特兒退居幕後的Leanne， 正正就是今次市集的發起人之一。

(點解你今次會揀戶外做市集嘅？)Leanne:「因為太多室內市集喇， 我想攪一個好有嘉年華嘅市集呀！ (有啲熱囉...)， 係呀！希望秋天再攪一次都時無咁熱嘅」

Leanne亦是手作人， 3年前結婚生子後， 覺得做幕前工作不隱定， 於是在機緣巧合下， 去到台灣認識了一位花藝師，於是便開始了押花事業。

今次Leanne特別用滿天星， 蕾絲花， 玫瑰， 毋忘我造成乾燥花， (係咪好難整架)， 「都算入門級啦， 大約都係15-20分鐘啫...」(原來咁快手？？ 比我可能2個鐘都做唔到)

何思諺 leanne ho

同場還有LeLeLaLa的唐寧在介紹天然手工皂， 我問:「全部都係你造架？」唐寧說:「今次都係我朋友造嘅， 我造嗰D皂未熟趕唔切今次市集呀？」

(未熟？要做好耐架？)， 唐寧解釋:「我要儲夠先可以， 預計會做4底(40舊)， 大約造皂就要兩個月左右」

(儲咩？ 如果想買可以幾時有得買？) 唐寧:「我造嗰D係母乳皂嚟...(《尷尷地》...母乳..即係妳...)係呀！ 因為我BB剛剛戒咗奶， 母乳成份好天然， 好潤架

(其實我真係第一次聽， 男人用咪好尷尬？) 唐寧:「就睇吓你衝唔衝破到喇， 我有個男性朋友已經同我訂咗一批」(我諗我真係好老套...我要時間衝破...)
http://www.lelelala.hk/

今日終於又遇上我的朋友仔， 島中坊研的Amy， (妳個新袋好靚喎)， 她笑笑口:「啲布係專登係京都買， 重點係配合返今次大會Fusion個主題」

不愧是長洲的最專業手作師， 我站在檔位前不足5分鐘， 已經有3名粉絲滿心歡喜選購了Amy的大作。(Fusion新作限量少於10個...有買趁手)
島中坊研 Island Workbench

最鬼馬的文化屋雜貨店原來全員到場鼎力支持市集， 老闆阿Rex:「啲仙人掌全部係Bamboo(圖左)整...」(真係秉承文化屋的出位心思...正)

文化屋雜貨  BUNKAYA ZAKKATEN

由台灣來的右手超人， 是小白與小語合作而作的， (點解叫右手超人？) 小語:「因為我用右手創作喔！」(...咁都諗到！好嘢)

原來他們3年前就加入創作， 不過今次顏色超搶， 很有小丸子風的設計， 竟然是全新創作， 小語:「係最近才想出來的...(你哋覺得台灣與香港市集， 有咩分別？)...香港比較熱」(哈..今日係130年最熱嘅一日麻)

右手超人

Queenie 於觀塘開設單車店:「我哋主要買LifeStyle的單車， 配件都係手作...(你哋開咗好耐？)， 大半年左右」

髦民士多除了有人手製作的單車鈴鈴， 最最吸引我的一定是不銹鋼水壺， Queenie:「因為飲膠樽無益， (木做又幾得意喎？)， 唔係木嚟架， HandPaint， 都係不銹鋼料」(個樽真係好得)

(點解你有D白色手指嘅？)， Queenie:「我哋可以即刻幫人用石膏做自己嘅手指， 我靈感嚟自初生BB做手手腳腳， (係呀！我當年都有同SY做架)， Finger Expression麻...你讚人， 鬧人都係用手指， 所以我諗到做成頸鏈戴住佢」
Bike The Moment Store 髦民士多

Sara 熱愛往日本收集古本， 古物， 「日本人出名細心， 又用心， 所以從佢哋嘅物件就可以感受到E種態度」他們主要想將尋找到好東西的想法和大家分享。

(咁你最鍾意邊樣物品？)Sara :「E本北歐嘅古本， 我係日本買返嚟...我覺得你就算去北歐都未必搵得返」(日本人連收藏都真係好有學問)

錫蘭王子雜貨

阿Cat (唔好意思...當然我以為Cat是女仔名)， 主力是為客人將相片加工， 放入舊菲林相框...

(這藍色的是甚麼？) 太似朱凌凌白子的阿Cat:「藍曬技術做嘅產品， 台灣有咗好耐， 不過我就最近先溝好滿意嘅藍色...(係咪裡面每一頁都係相？)， 唔係呀..得個封面咋...裡頭係普通記事簿嚟」

不過你都犀利， 通宵可以趕造8本， 快快想想接訂單啦。阿Cat:「無呀！暫時只有這8本...未接受客人來相訂書...因為交出畀人印， 我填唔到數呀...哈哈哈」(有機會一定要與Cat再傾多啲計， 你好得意)
Blackcred

「乾鑫」是另一台灣手作人阿弘3年前創辦， 他用不同的「木」創作戒指， 阿弘:「本來我一直在網絡銷售， 最近漸漸多參加市集， 香港都係第一次來。

(你會唔會有作品向我推介？)阿弘:「E隻用紫壇木造的戒指， 是唯一可以轉的...(係喎..係喎...真係轉得架喎)， 算係我最新設計...」 (其實真係好啱成日手痕嘅我)

http://www.pinkoi.com/store/chiensin

今日， 有兩檔是全場最多人， 人龍不絶的， 一檔是幫人訂刻字造皮扣的「一句」， 另一檔則是Nikoniko...

我襯中年午12點未開檔前， 真的不好意思與Monique談了兩句:「(你哋好受歡迎...全場最長人龍呀)， 係呀！ 因為我哋同Midnight CrossOver呀！」 (條人龍真係好誇開)

原來她們推出Galaxy 系列， 有地球耳環，月球頸鏈， 更加每人只限買2件， 嘩！原來是星級手作人...看來有機會， 我要私下相約做個訪問...（因為我諗...每次市集， 佢哋都會人山人海， 我好難先影到一張相咋)
Nikonikohandmade
Midnight handmade

昨日有陳蕾打頭陣... 雖然昨日超熱， 但現場氣氛好到不得了， 150檔港台手作人熱熱鬧鬧， 原來市集都可以人氣爆燈得如此緊要。

2015年8月8日 - 9日
地址: 中環海濱活動空間D區(入口近添馬公園)
時間: 12nn-7pm