可以用匙羹飲嘅「蜂蜜流心蛋糕」

看蘋果介紹深水埗有新甜品食~流心蛋糕，師傅從台灣取經後，改良成為香港新品種的蛋糕，二話不說立刻打電話預訂。

原來「甜蜜總部」只開業個多月，我們晚上8點半到達，全場已滿坐，不過店舖在天悅廣場，所以可以有「走盞位」~今晚我們坐在商場大堂的私家枱。

蜂蜜蛋糕全日不停焗制，我們走過廚房就見三個「皺皺地」的蛋糕剛剛出焗 ？？ (心想:「係米焗錯咗？？ 縮埋一舊嘅？？」

但當蛋糕上台時，奇怪的事情出現，蛋糕變回正正常常，不再皺皮喎，我問店員，他說:「啱啱出爐個樣係怪啲」。

單看賣相已經非常正，移動托著的碟，看到它「吊吊揈」的半熟感覺，已經想一啖吃了它。。

阿太用刀輕輕一切，真的大量蜂蜜蛋醬由蛋糕流出。  嘩！ 情況較平常切開心太軟時更澎湃，更壯觀。

第一次簡直可以用匙羹來飲的蛋糕呀！

蛋醬泡泡的感覺好有趣，因為連咀嚼也可以省回， 而蛋糕亦是入口即溶，感覺差不多接近食梳乎里一樣。

放入口第一種味道就如同台灣的義美蜂蜜蛋糕一樣，感覺略甜，如果可以的話稍為調淡一點會更好，吃罷即要飲一杯暖水沖淡一點味道。

之後我們又點了芒果西米露，「甜蜜總部」有心思的將生果與西米露分開上，店員說:「中間的是糖水，如果唔夠甜，可以自己加少少。。。」

這裡的西米很大粒，其實糖水甜味剛剛好，一定不用再添糖水，是否台灣口味嗜甜到這地步呢？

最後阿太想外賣「榴槤布甸」回家消夜，但店員卻推介:「榴槤班戟」，意想不到的竟然中伏，其中一件竟然是酸的。。。O！！！(甜品還是堂食的好，因為隨時可以換！！)

大仁生活facebook