【正義龍蝦拉麵】有好多幪面超人殺龍蝦

幪面超人任何最新活動， 作為忠粉的我， 一定會帶阿囝去參與...「一風堂」上星期起無端端CorssOver「幪面超人」， 我怎可以不去試呢？

全店男女店員也換上幪面超人制服， (好型呀！！)， 就連各人頸上也繫上模仿一號的紅絲巾。(超靚呀！！ 有冇得買架？)

店員阿Hei:「唔好意思， 只係員工嘅制服咋， 暫時無得買。(點解你絲巾寫住個4字？)， 因為我哋開業四周年，同埋幪面超人44周年呀！！」(一風堂仲請唔請人呢？我想要套製服)

一坐下便不用想， 「唔該！所有同幪面超人有關嘅食嘢， 就攞晒我」， 女店員答:「龍蝦豚骨拉麵係咪？我哋淨係得一款食物， 同幪面超人有關咋」(是旦啦！！ 無所謂， 就要一碗唔該)

拉麵登場...阿囝望了一眼:「幪面超人呢？？ 無嘅」(枱面有本介紹漫畫， 原來， 因為龍蝦怪被幪面超人打死， 於是就做咗E碗拉麵出嚟喎) 阿囝:「搵笨嘅...」

其實， 勉強也只可以說是獸人CorssOver， 而不是聯乘「幪面超人」呀？？

幸好， 這裡還有 「幪面超人」紀念品， 扇 及 筷子套...(好攪笑， 筷子套可幾褶出特首夫人出嚟㗎...) 阿囝:「龍蝦怪...等我嚟攻擊你啦」

盲目是我的名字， 不過...其實最少送一塊印有幪面超人樣的紫菜我都好吖。(龍蝦我麻麻地， 雖然碗麵都算不過不失)

我們兩囝爺愛吃角包， 這裡的吉列漢堡角包算抵， 味道又夠出， 不錯！！ 不錯！！ (點解唔順便話E個係漢堡角怪人呢？？)

最後就是幪面店員推介 荔枝雪條乳酸梳打...其實是為了阿囝而點的...

雖然他不太愛益力多， 但小朋友愛雪條，  停機後對話: 「爸爸， 我想食雪條， 唔想飲益力多...你做樣好啦， 唔好真係食呀」(哈！！ 點解E位小朋友咁鬼孤寒嘅？)