摺咗隻天星小輪 叮叮同飛機 好親子的摺紙 @寶礦力 Pocari Sweat

這是三星期前的事。。。話說有一天返工前到超市買杯麵飲品，發現8罐裝的寶礦力有新包裝，很攪笑的變成摺紙遊戲喎！

摺紙遊戲有三款，包括天星小輪，叮叮電車，及小型飛機，海陸空有齊，不過問題是若果要集齊三款，就需要一次過買24罐寶礦力。好重喎！

結果，我分了三次購買，每日買一款。上星期再去三大超市，仍然發現只有街口的華潤還有少量，但百佳及惠康就不見其踪影。

三款當中，最愛就是天星小輪及電車，因為十足十香港特色，或者可能我沒有坐過小型飛機吧，不過，為何寶礦力不設計地鐵，的士呢？ 如果一定要空中飛行工具，我情願是430穿梭機，雖然老套，但起碼有共嗚。

摺紙遊戲最好的意義就是親子，雖然砌法簡單，但因為要用上「雙面膠紙」，對小朋友的手來說仍然有一定麻煩。

三款當中，像真度最高的是天星小輪，立體感較強及「穿崩」位較少。

其實電車也不錯，不過因為天線位置只有一面上了顏色，另一邊就是紙皮，所以，單車永遠只能以左邊示人，有少少缺憾。不過，阿囝竟然話:「E個係電車戰隊，要飛上天對付敵人啦！！」

有同事發現我有大量寶礦力問我:「你好鍾意飲架？」我示意因為想儲包裝的紙皮，結果她說:「我見你真係好似乜都儲咁喎！」我答:「係喎！無錯，你講得啱，我真係乜都儲一餐架！ 哈~哈~」