鬼佬 Boss 與華人老闆的 8 大分別 邊個更好?

香港各行各業，大大小小的公司也充斥著鬼佬老闆，相信不少人都有相當經歷。假如你面前有兩份工，人工一樣，一份係鬼佬上司，一份係華人老闆，你會選擇邊份?

以下8個分別可能有助你做出抉擇：

1. 鬼佬Boss隨和 華人神經質抓狂

做錯野?

鬼佬Boss話 “It’s OK. Just try again.” 鼓勵說話較多。

華人老闆咆哮 “你係咪無腦架?! 乜你咁無用！真係激死我！” 做錯小小野好似世界末日一樣。

你可能感興趣：香港地獄律師行 － 九死一生Paralegal經歷

2. 鬼佬Boss 加人工快 華人老闆3年加$2,000人工

鬼佬Boss普遍欣賞做到野的人，加人工 / Bonus 比較疏爽。

華人老闆一到年尾雙糧就搬出各種excuses，務求找到理由唔出雙糧兼凍薪，明明自己賺大錢都係咁，真係PK！

3. 鬼佬Boss 放工早 華人老闆要你OT先安樂

雖然在許多鬼佬的國際大 iBanks, 律師行, 個Hours係非常恐怖，但普遍來講，假如同一份工，鬼佬老闆公司比華人老闆公司平均工時短 1.5 小時。

鬼佬 Boss: 自己4點半ready走人，準備去happy hour然後坐船返愉景灣。結果4:30分叫埋你走，一齊去飲兩杯！

華人老闆：今晚有個客會打來開Con Call, 我而家要出去同副局長食飯，你等埋我8點返來Brief完我先好走。無計架啦，你估搵食咁容易啊？

4. 下午打風時

鬼佬Boss : 5點會掛8號颱風, 2點食完lunch 齊齊關燈關門，開開心心返屋企！

華人老闆：你地住市區果d就5點先好走啊下！地鐵無問題架。住離島？ 比其他人早15分鐘走啦，我個人做老闆好隨和，無所謂架！

頂你個肺！

5. 放假安排

鬼佬Boss： 一年26日 Annual Leave, 聖誕公司休假12日！

華人老闆：跟足勞工法例比7日 Annual Leave你啦，但頭6個月Probation 任何 Leave扣錢，同埋申請Annual Leave要比28日書面通知再等公司批。

6. 星期一早上

鬼佬Boss： How’s your weekend?

華人老闆：個project做成點啊？成個weekend比你都做唔完？ 有無搞錯啊你？

7. 放假前

鬼佬Boss： 放假去邊到玩？ 我就一家人去Bali～

華人老闆：放假我會去日本幾日。到時我會飛公司條線去你手機，你照樣聽電話好似係公司咁。

8. 老闆，我決定辭職了…

鬼佬 Boss: Oh, 我很難過你這樣決定，是否公司有需要改善的地方? … 既然你決定離開，但願你前程錦繡吧，假若做得不開心隨時再聯絡我吧！

華人老闆： 你有無搞錯啊?! 公司花咁多資源栽培你，你做唔夠2年就走？ 你係咪同我玩野? 我一定寫衰你個Reference！