好心痛!! 跌爛咗個My Melody 蛋糕!! 嗚~嗚~嗚~@Mon cher

今日屋企人生日， 開開心心一早於銅鑼灣崇光Mon cher預訂了一個My Melody 蛋糕， 好彩有預訂， 原來不是天天有現貨。

年多前， 我們吃過baby Mon cher 當時的新出品 Hello Kitty 慕絲， (有興趣朋友可瀏覽: baby Mon Cher 登陸SOGO : MOUSSE au SANRIO HELLO KITTY )， 當年的baby Mon cher 還設於Sogo地庫， 如今已搬了B1了。

阿囝一見到Melody慕絲即叫:「吓！？ 咁細個蛋糕？ 點夠我哋咁多人食呀？ 同埋上年米食過咩？」

這位小朋友的記憶力真不錯喎！！ 我答:「上次食Hello Kitty， 今次食Melody， 你叫姐姐畀你睇吓個蛋糕先講啦！！」

結果， 店員姐姐給我家CEO鑑定Size合格後， 他才心滿意足的拿著蛋糕離去。

今天天氣不佳， 連綿下雨， 晚飯前手持蛋糕到酒樓期間， 紙袋的一邊手抽斷了， 懸空跌一跌， 心知不妙， 到飯後， Melody 蛋糕出場！！ 嗚~嗚~嗚~蛋糕跌成如一個意大利比薩斜塔一樣， Melody更險些掉落地！ 好心痛呀！！

真的不高興， 就連相機也說:「今餐真係食先都食得好唔開心吖！」沒有辦法， 唯有快快切開蛋糕分來吃。

本來想將Melody一分為二， 但原來白色的臉龐是朱古力制成， 切不下， 於是只可以將Melody抽出來， 整個海綿蛋糕立即出現。

其實， 自已不太愛吃海綿蛋糕， 但阿太說:「Mon cher果啲 海綿蛋糕唔同架， 堂島卷好出名架喎！！」

就在此時， 阿囝已經100%KO了他碟上的海綿蛋糕， 並不斷大叫:「好食！！ 好好食！！」於是我也試一口， 嘩！！ 本來充滿戒心的我， 忽然被又輕又軟， 近乎入口即溶的海綿蛋糕， 給予一種如釋重負的輕鬆。 真的好食好味道喎。

至於Melody煉奶慕絲與之前的Hello Kitty頭的味道一樣， 煉奶味果然香噴噴， 不過， 之前Kitty的夾層是橙味果醬， 今次則是朱古力。

個人比較喜歡Hello Kitty， 因為愛吃慕絲多一點， 但對阿囝來說則是Melody， 因為他說:「佢塊臉都係朱古力嚟架， 真係最鍾意朱古力吖！！」我家的小朋友名乎其實朱古力痴漢！！

相關網誌: 限量100件 !!! MOUSSE au SANRIO HELLO KITTY