【愛的抱抱】你都嚟左攪Melody右抱Twin Stars啦 ~ 仲有三次機會!!

My Melody又來了！！ 繼去年年尾Melody屯門過我過聖誕後， 相隔半年， My Melody 與Twin Stars拖拉手玩轉銅鑼灣.

上星期， 朋友問:「你係咪想集郵呀？ 過嚟皇室堡啦...Melody 同Twin Stars會出嚟一陣㗎」(係咪真架...我嚟呀！)

見偶像當然要早， 說好的15:00， 我14:30便到...竟然給我遇到偶像們剛剛出場， 好索的Lala呀！！ (個心忽然卜卜卜卜加速咁跳)

今次真的變成追星仁， 絶對似十足當年我小朋友等張國榮一樣的興奮...(KiKi出場啦！！好似比想像中高咗少少咁， 總知係KiKi就得啦)

原來My Melody 與Twin Stars是同年的嗎？ (40歲Keep到咁， 真係正， 勁童顏， 我公司嗰啲...算！無謂講)

三位主角要先賣一賣廣告， 走到商場前來一個Super姿勢， 沿途不少本來只是購買的朋友， 全部立刻手持電話， 齊齊影影影...

之後主角又重返秘密花園繼續熱身， (好想知兩姊弟講啲咩呢？)

阿囝今日要返學， 所以我一個人來， (最攪笑阿囝後來睇相話:「會郁架喎...我仲以為係假嘅人..」如果係膠公仔...我都費事影啦！)

千呼萬喚...我最渴望的時刻終於到啦...愛呀呀呀喔！愛的抱抱。

工作人員說:「好貴架...你真係要影多幾張呀！」(乜唔係$32蚊一個鐘， 請個Part-time咋咩？)

工作人員答:「梗係唔係啦， 佢哋全部係日本飛過嚟架， 訓練過好耐先可以扮㗎， Sanrio版權仲特別貴添」(吓！咁我一定要不停影先得)

愛呀呀呀跟著我的心跳...Lala更主動拖著我...簡直開心到似十足中六合彩一樣 (但其實...我最多都係中過3個半字咋)

最後她們又自己抱抱就完結了精彩時刻， (可能真係男扮男， 女扮女， 因為Melody都無攬KiKi)

未來還有三次抱抱會...有時間大家都可以去齊齊抱抱Melody， Twin Stars影影相啦。

「My Melody ＆ Little Twin Stars 抱抱會」

日期:7 月 11 日、25 日及 8 月 8 日(星期六)

時間:下午 3 時 My Melody 抱抱會 / 下午 4 時 Little Twin Stars 抱抱會

地點:皇室堡地下中庭

名額..每場 30 名 (當日下午 1 時派籌)