【點解咁似Minions隻馬??】《玩轉腦朋友》似到無朋友 @ Time Square

終於又有商場Show影啦， 《玩轉腦朋友》， 阿囝:「哦！原來E隻公仔...上次去迪士尼見到佢哋啲Tsum Tsum啦」(有咩？？唔通我失憶？？)

其實TimeSquare的展覽， 一向有互動遊戲，例如上次OnePiece有每層儲印章換記念冊，聖誕那套《大英雄聯盟》又有金色波波車任坐，不過...今次就...「乜都無」。

可能我太落伍，還是這套電影屬二， 三線， 直覺好似不太吸引，宣傳未夠？...還是角色太重其他電影的影子呀！

露天廣場的叫「幻想樂園」， 有一隻藍色的「阿愁」在思考。我都是睇預告片才知他的名字....這時阿囝大叫...

囝:「E隻馬咪係壞蛋坐嗰隻馬？？」(係喎..十足十喎， 係咪向壞蛋致驚呢？)

相似度: ★★★★★

題外話: Minions 不是翻譯做壞蛋長門人嗎？ 為何7月上影的改了名叫「迷你兵團」呢？

我愛這隻熊， 因為似ToyStory的勞蘇， 不過這隻太工整了， 而且少了一份邪惡感.

相似度: ★★

有一個搬運工...與其說硬似似怪獸大學的一個配角， 不如我說似無綫電視一個甘草曾建明吧！ (眼神一模一樣嘅)

相似度: ★★★

InSideOut的阿驚， 我叫阿囝扮扮他， 囝說:「點解佢咁似毛毛個朋友？？」， (係喎..怪獸大學..大眼仔個室友藍道...你哋三個簡直一模一樣)

相似度: ★★★★★

在電影入面經常開開心心的總指揮， 叫阿樂。不知為何我第一眼看到她，腦海就湧現當年「聰明笨伯」班尼老婆「比緹」...

相似度: ★★

忟忟憎樣的當然叫阿憎， 中文版由蝦頭配音， 不得了， 簡直不作他人之選， 她不就是照蝦頭的樣貌畫出來的嗎？ 

相似度: ★★★★★

阿燥似反斗車王的麥坤， 不過更似Domo， 可能硬照似， 但動畫會比較易分辨掛！！

相似度: ★★★

有梳化的地方， 就有大陸人， 這個展覽真的有利自由行闖入時代廣場， 阿囝坐底看了10秒的電影預告， 便走開又要跟媽媽「捉以欣」。

我問:「唔好睇咩？」囝:「好悶， 都唔刺激...」， 老實說， 講述大腦情感操縱， 對小朋友來說真的深了一點。(睇嚟今個暑假， 壞蛋都贏硬喇)