【開盒報告】誠造社大力神

雖然上一隻Macross我冇買,但就令我對呢間公司相當有好感,所以一直有留意呢隻新作嘅動向由灰模到彩辦都的確愈嚟愈型同靚,令我更加有決心一定要入手終於一出就入之下打開盒,好靚呀而且原來都唔係全膠,對腳有金屬架,唔怪得咁重手啦不過都係唔讚咁多住講咗缺點先:
變形對腳要屈上90°,雖然說明書都話要屈到啪一聲,但就要有斷腳嘅決心先屈到,除非你買夠三隻各造一個形態,我就變過一次就咪搞我嘞

電磁位就無論開關同電本身都好細粒,要好小心裝拆免彈咗唔知去邊,尤其心口嗰組好難裝,正負極要自己試,最重要係電磁消耗勁快,半粒鐘唔夠就冇架喇

其實另外兩個形態我都唔太鍾意,而且戰車啲轆唔太貼地冇乜用

人形我最愛,無論形態、可動、小設計都相當好玩,要幾型有幾型!