【炮台山掃街】福元街雙雄 好笑容Vs好躁

網上得知北角福元街美食林立， 但常常走過北角也不知福元街在那裡， 今日終於找到， 原來福元街正正就在炮台山地鐵站對面， 行人天橋橋底。

開業一年半的Sooo Vegi， 阿太聽見食素即問:「去返上次北角嗰間？點解係炮台山落？」(係喎...北角區真係好多新派齋舖喎)

小街的角落， 整店的外牆也舖滿假草， 店舖主力外賣， 堂食坐位不足10個。

不知大廚Gigi不知是否天氣太熱還要煮菜， 所以心情總是躁躁地。

相反， 店內的另一位姨姨好人得多， 叫她推介食物也樂此不疲， 而心事重重的Gigi則一句接過來:「細路仔食肉醬意粉啦， 仲有咩推介吖」

雖然大廚態度麻麻地， 但食物又很不錯喎。首選煎釀三寶， 釀入素魚肉， 再配芡汁， 好食過平日街邊的三寶多多聲。

菇菇大大隻， 是SY的最愛， 兩隻菇全由他KO了。姨姨好好人:「小心慢慢食呀小朋友...」(我擔心佢唔食， 多過食得快啃親就真)

炸磨菇真的一粒一磨菇， 夠香口， 煎炸食物又怎會小得SY份呢！！ 所以，今晚他食得好開心。

至於墨西哥風味卷...很多傳媒也推介， 不過不是我杯茶。

可能食過灣仔的TickEatEasy的墨西哥卷， 加上凍食的關係。牛油果， 紅腰豆， 我又比較抗拒。少少失望。

而躁大廚推介的肉醬意粉， 肉醬果然又扮得十足十， 鮮茄醬不會帶酸， 確實好食。

附近蜆殼街有Sooo Vegi的分店， 由Gigi姐姐打理， 阿太問:「下次去唔去埋試呀？」(唔試啦...我怕又係鞋口鞋面， 更好食都吸引唔到我再嚟)

吃罷正餐， 當然要來一個甜品， 福元湯圓我細細個就聽過E個名喇， 今日終於可以試真身。

湯丸， 糖不甩是我與阿囝的最愛， 可惜阿太不喜歡湯丸， 於是就來了一個桑寄生蛋茶

阿太吃了一口蛋茶:「麻麻地咋喎， 有咩特別呀？」(人吔福元食湯圓， 你就叫桑寄生， 即係PizzaHut叫炸雞， 唔會好好食囉)

湯丸， 與糖不甩， 我一定揀湯丸， 因為芝麻饀是山泥傾瀉的流出來， 好滿足。

這裡湯圓全部人手搓， 我問施老闆每日搓多少粒？ 他答:「睇日子喎...好似今日咁靜， 我哋都只係搓1000粒咋」(吓！星期一咁多人都叫靜？？ 假期咪搓到手軟？)

老闆說他愛吃花生饀的湯丸。 (哎呀！原來沒有指明花生， 老闆就會遞上芝麻， 早知我點鴛鴦啦...).

開業廿年的福元湯圓， (我覺得我好老套...今日先搵到嚟食)， 老闆:「我哋本來係你頭先食齋個位， 10年前加租咪搬過嚟， E度大好多， 之前個位又細又熱」(係呀..所以入面D人都躁D囉)

食得湯丸多可能有助增高...我問老闆:「你真係好高喎」他笑笑口:「可能包得湯丸多掛...」(咁我同阿囝， 得閒都過嚟免費幫你包吓囉， 得唔得呀？)