【手作端午節】最熱最多人 玩足6層　

JCCAC經常來， 但來逛市集還是第一次， 嘩！原來由天台一直至地下， 幾乎層層也有攤檔。不過， 今日是有史以來最熱的端午節， 難怪我由天台走兩步， 已經熱溶了。

我今日發現JCCAC「 手作市集」， 露天位置熱辣辣， 但原來部份室內的展館， 可以有冷氣供應...

於是八卦的我又周圍問檔主:「點解你唔揀冷氣位呀？」答案:「無得揀架喎！！」答案:「...你問下大會點解？？」(係囉...被選中太陽底就真係辛苦死)

Martin 前年中秋節想製作一張心意卡給女友， 於是便造出一張「發泡膠」作外框， 中央點火可以燃燒， 繼而會彈出心意字句的首件作品。(我收到都冧死！！)

Martin說:「之後不斷改良就成為了今時今日的點火心意卡，旁邊位包保唔會著火㗎」 (嘩！好似玩魔術咁呀！！) 

Memo Pad 被 Martin 改良成足球場， 籃球入樽的小玩意， 「因為我成日要寫Memo Pad， 傳統款太悶喇， 所以就造到用完就可以入籃，入龍門囉」

最初Martin造火漆印純粹為公司Logo印章， 但朋友發現好得意， 於是便嘗試訂造特別的字句的火漆印， 結果原來又好受歡迎

我一直以為Athena是創作木間尺的設計師， Martin說:「佢就係我點火心意卡的創作靈感來源囉！」(難怪你今日Sell客Sell得咁甜啦， 原來女友嚟同你打氣)

April 4

最初我經過Kathy的檔位， 心想:「又係嗰啲羊毛氈公仔...」， 但望清楚一點， 為何每件成品都如同真狗一樣， 像真度實在似得驚人

玩了4年羊毛氈的Kathy說:「可能功多藝熟啦...又可能我以前有養八哥啦...不過我好鍾意畫畫就真」(如果阿囝今日有嚟， 一定嚇到佢以為成枱真狗)

原來平均一隻14cm的真狗狗， Kathy表示， 要花大約一個月去「篤」， 「因為放工先有時間造， 我最耐就造咗100個鐘左右啦」

這隻歌姬是Kathy問客人借來坐鎮的， 「E件作品我都好滿意！」(其實如果狗仔唔知， 望到都以為照鏡添呀！)

Kathyc羊毛氈小店

「沙皇當年就係送E類復活蛋比王后啦！」 Kevin向客人解釋他的玻璃蛋，「我每隻蛋大約要畫兩星期㗎 」

本身喜愛宮庭畫的Kevin:「最初我畫玻璃畫， 又畫陶瓷， 不過全部失敗， 後來就想將俄羅斯宮庭復活蛋夾雜印度色彩， 於是就產生一系列玻璃蛋」

原來玻璃蛋有分完整版， 及開口放蠟燭燈的兩個不同版本， 玻璃蛋本身透明， 由Kevin塗上不同顏色。Kevin說:「最多人買就係Turquoise (吓？？) 即係藍藍綠綠色 (哦！)」

正式做玻璃蛋只有半年， 正職教英文， 教鋼琴的Kevin說:「我店名illuminanda，「illumi」解發光， 「nanda」印度文解作蛋」(今日學到3個生字)

玻璃蛋可以由客人提供相片， 由Kevin幫你貼上蛋殼， 「我試過有個朋友個女好鍾意Fozen， 於是就變成Elsa， Anna玻璃蛋」(真係Let Egg Go喎) 

Illuminanda

我由2樓向下望， 最吸引我的就是Zony的檔位， 色彩很70年代日本風， 那一雙雙的BB鞋， 好得意...

初生鞋仔靚到不得了， 我最初以為Zony是新手媽媽...原來我攪錯了。Zony:「我之前做女裝， 之後轉造口水肩， 鞋仔， 因為唔駛分Size， 以生意角度嚟睇就好啲啦！」

2012年尾開始就成為全職布藝手作人Zony， 當年她一發現有吸引圖案的布便會收藏， 所以， 頭一批的物品全部用她心愛布料製成。

Zony :「無啦...第一批用我儲落D布造嘅口水肩， 鞋仔賣晒啦， E啲全部都係買布返嚟造嘅」

Zony最鍾意這款小蜜蜂圖案的布料。(我都係揀佢， 因為黃色， 我近期愛壞蛋麻...不過我最初以為係螞蟻) Zony:「蜜蜂嚟㗎...點會似蟻呀？？」 (係喎..有翼喎)

To Whit To Whooo