【父親免費】坐摩天輪Check下荔園起成點

父親節一定要玩父親有著數的活動。嘻嘻！今日每位爸爸坐摩天輪也免費喎， 一於連同外父齊齊玩！！

可惜， 吃罷午餐， 下午便開始連綿大雨， 心諗:「吓！坐摩天輪先嚟落雨？ 唔通連個天都唔鍾意父親節？」

於是我們走到ifc逛一逛， 避一避愈落愈不可收拾的大雨...外母說:「行雷大雨摩天輪都仲開？唔驚會劈中咩？？」(我哋5個無做虧心事， 唔駛驚...)

終於皇天不負有心仁， 黃昏近6時竟然開始停雨， 烏雲漸散...(而且個天仲似食咗養陰丸一樣， 太陽出來了...太陽出來了...Yeah！)

於是， 我們便慢慢走到售票處， 我還未開口， 工作人員便笑著迎上:「父親節快樂呀...今日我哋所有父親都可以免費坐摩天輪㗎」(哈！真係無取巧， 無呃人喎)

一位長者，一位小朋友，一位師奶， 三人合共盛惠$220， 哈...而我也不知道，今次是我出了雞，還是出了鼓油喎。

(未玩過就試吓囉...等上摩天輪嗰陣都有少少興奮㗎)。忽然間...有兩， 三秒似自己去了外國感覺喎。(兩舊水都有咁嘅氣氛都算係咁啦！ 夫復何求吖)

關門前來一個大合照是一定要做的動作吧！ (影相在嘴邊， 問一問身邊的人， 大合照係唔需要用神棍嘅)

摩天輪旁邊正正就是下星期開幕的荔園...

「恐龍呀！...」我叫...阿囝答:「好驚...好驚， (假㗎喎， 咁都驚？？)..好高好驚呀」(你講笑扮嘢咋？？咁都驚？)

超過20個攤位遊戲檔位已經擺放好， 不過全場只見一隻綠色大恐龍及迴轉木馬....

「機械天奴」，鬼屋，過山車，恐龍屋也未見有...還有4日，趕工要趕得好辛苦喎

剛才說「驚」的小朋友， 當轉了一個圈後便非常大膽的走來走去...阿囝:「漏水呀！！ 你睇...」(係...可能頭先大雨， 車廂內四個冷氣位都不停滴滴水)

當轉完第二個圈， 小朋友說:「仲有得玩呀？唔駛落車㗎！」(小朋友都收$70， 我估應該可以坐到5個圈掛？？)

阿囝答:「咁多？ 好呀！」(我估㗎咋...)

一邊望九龍， 一邊望灣仔， 如果可以在最頂峰多停留數分鐘就更加好啦。(真正「東張西望」就係E張相嘅中心思想啦！！)

SY指向ICC :「嗰度咪上次我哋去117， 好高嗰度？？ (你又記得？)， 我隻耳幾痛， 又驚點會唔記得先...」(我以為你乜都驚， 記唔到咁多麻)

當轉完第4圈， 小朋友看到前面家庭要落車之時， 便大叫:「要走啦...4個圈咋， 要落車喇」(點解得4個圈咁鬼少㗎？)

我計了時間，全程總共坐了四個圈，23分鐘，為何如此「伶仃」呢？ 齊頭轉5個圈會更好啦！

無端端， 失驚無神坐坐摩天輪也算過癮，起碼又可以訓練一下小朋友的膽量。(不過， 都價錢都唔平， 我諗我應該坐一次都夠！！)