自本年1月，資深配音員林保全離世後，粉絲一直關注誰人會繼續為經典角色「多啦A夢」配音。日前，有消息指80後的黃昕瑜，會成為接棒的人選；無綫昨晚亦透過節目《東張西望》，播出新一輯《多啦A夢》的片段，以及黃昕瑜為多啦A夢配音的自我介紹對白。
片段對白
叮噹：大雄，我返嚟喇！
大雄：咦？點解你把聲唔同咗嘅？
叮噹：你知架！我嘅聲音系統，係冇可能永遠唔變架嘛。希望所有朋友仔可以習慣下我呢把新嘅聲啦！雖然我換咗把聲，但我其他嘢都冇變架！一樣會開心陪住大家架！拿，大雄，你睇下，我仲喺未來帶咗好多新法寶返嚟呀！
大雄：嘩！多啦A夢！不如即刻試下有幾犀利啦！
叮噹：唔得呀！要等到7月7號，暑假開始先用得架！
大雄：點解呀？
叮噹：因為我約咗香港嘅朋友仔見面，到時我要用啲新法寶，帶多啲歡樂俾大家！
對於「多啦A夢」的新聲線，網友普遍覺得有點不習慣，有點像女孩子，又指跟大雄配音員的聲音相似；可是，他們同時認為應該給予支持和鼓勵，畢竟珠玉在前，新配音員的壓力絕對不輕。
知多一點點：
黃昕瑜現年26歲，是無綫第5期配音訓練班的畢業生，2012年正式加入無綫。她的配音經驗豐富，曾經為韓劇《繼承者們》的李寶娜配音：在卡通片《光之美少女：甜蜜天使》和《星夢學園》，則分別為明堂院樹和紫吹蘭配音。
資料及影片來源 : TVB東張西望
