【布甸專家賣鮑魚】無心插柳嘆正嘢

去年年尾， 無意間走到青山道與營盤街交界， 看到有大量又便宜， 又吸引的布甸， 啫喱甜品， 一食上癮， 更認識了老闆阿Tom

早前阿Tom問我有沒有興趣食鮑魚， 我答:「你賣開甜品喎， 無端端賣鮑魚？」

原來1994年， Tom已經在澳洲任職酒樓， 前年因為家事問題， 所以才回港發展

Tom:「我之前只係做甜品， 因為拍檔走佬， 屋企問題又唔開心， 唔想舖頭太困身， 先只賣布甸」(但你無乜心情， 啲甜品都超好食喎)

原來新年過後， 東大門除了主力賣甜品， 還每日造12份黃薑雞飯 (嘩！唔係廣告， 不過$28去骨雞髀， 香到爆， 唔掛得知晚晚一早就賣晒)  

澳洲4頭青邊鮑， 阿Tom教路:「雞腳， 豬肉， 雞肉， 火腿先煮頭湯， 再餚鮑魚18個鐘， 今次係第四次整， 通常我只係問熟客， 儲齊20隻先做咋」

不得了， 這個鮑魚大大隻， 又入味， 又腍， 又甜， 好食到令仁寫字形容都記得前晚宵夜的好味道

(你都幾勁， 新年蘿蔔糕， 端午節造粽， 久唔久又鮑魚...) Tom:「係呀！D客個個都問， 究竟我做咩㗎？ 所以我成日解釋， 酒樓菜先係我老本行」

上次認識阿Tom 心事重重， 今次容光煥發， 一問之下原來開心因為剛剛做爸爸。Tom:「全靠我老婆幫手湊仔， 我每日做甜品做到凌晨5點， 佢一句怨言都無， 我真係好感謝佢」

原來， Tom是因為太太經常來買芒果布甸而認識的， 「記得有晚落雨， 無生意而佢又嚟咗， 咁咪相約食飯， 於是發現志趣相投， 順利成章便拍拖囉」

最近， 甜品新口味多了抹茶Tiramisu， 及特別為太太而設的榴槤， 我當然不放過， 東大門最最最出名的木瓜布甸啦

(你仲係依然木瓜每日只造12隻呀？) Tom:「係呀！一對手做唔到咁多」 不過， 今次我連食布甸， 都食得出阿Tom的愉快

Tom:「可能屋企的事放低咗， 今年又愈來愈多客認同我啦！」(計我話係你有個好老婆， 又做埋老豆， 成個人輕鬆晒， 所幾成晚傾計都笑咪咪， 恭喜晒！！)

深水埗青山道與營盤街交界