【砌小白玩雪橇】玩論Frozen「冰雪小鎮」攻略 @迪士尼

迪士尼有新玩意， 《魔雪奇緣》冰雪小鎮期間限定2半月， 熱辣辣34度可以玩真雪， 即使阿囝與我也不是Elsa， Anna的粉絲， 都一定要去見識吧！

下午1時到達樂園， 原來「冰雪小鎮」就即是哈囉喂「黑色馬戲班」的位置……不過人山人海。（我當時仲大安旨意問工作人員攞「Fast Pass」添...）

工作人員答：「我哋本來有180個快証，每日10點開始派，但頭先一早就有人嚟排隊，我哋一開就派晒所有快証，十足匯豐訂$150咁」（吓？咁我點算呀？？）

工作人員續說：「無問題，你可以排隊，E家我哋排緊4點嗰一場，（即係排3個鐘頭呀？？）， 咁又未必……可能有D快証朋友無返嚟呢……」

結果……哈！！哈！！好好彩， 我們只排了一小時，便可以與手持快証的錢家樂一行十多人，進入14:30同場睇表演。

其實，這個音樂廳好大，最少可以容納200人以上。（嘩！！企係出面乾煎咗粒幾鐘，冰雪大劇院正呀！！）

老套的都要說……我今日才是第一次看Frozen，但在場9成小女孩如同中了冰降一樣，電影所有歌都可以跟足齊齊唱……

我最多只識唱Let it Go...Let it Go...，就乜都唔識。

不過，看來有一位小蜘蛛俠很抗拒Elsa，Anna，只要嬴場一響起音樂，他便會很辛苦的雙手掩耳。（估計他的妹妹在家可能24小時不停播放Frozen的影響吧！ 慘！）

當真人Elsa出場，再唱多一次...Let it Go的時候，我們就是要準備站立，轉身，走到台後布簾等候開門，因為重頭戲「冰雪小鎮」就在裡面。

「冰雪小鎮」由四部份所組成，排隊順序如下……

1)左邊角落排除與小白拍照，因為拍照區是最早截龍的一個環節，而且小白20分鐘便會離開。

說時遲那時快，哨牙的小白又要說拜拜。

2)爸爸在右手邊的雪橇區排隊，因為這個遊戲區等候時間最長。

或者可能安全理由，我見每一次有人瀡完，工作人員就要重新剷一次雪，謹慎得有點緊要……

不過坐雪橇真的好好玩，夠刺激，你睇阿太及SY的表情就知多好玩。

暫時每一節只夠時間玩一次雪橇，除非你有多一個朋友幫你隔15個人位再排，否則一節一定不可以玩到兩次。

3)當爸爸在雪橇區排隊之際，媽媽最適合陪小朋友在中央的雪地裡玩雪。

小朋友多數未見過雪，所以個個也玩到嘻嘻哈哈，不過雪地非常濕滑，我眼見就已經3人倒地，所以大家小心為上。

SY非常投入玩雪，很難得才可以引到他望一望鏡頭，勉強叫可以和斯特合照。

你會否覺得奇怪，為何我如此清楚流程？ 哈！！ 哈！！因為我們第一次未能與小白合照，加上SY玩雪又玩得未夠喉，所以我們再多排一小時，總共入「冰雪小鎮」玩了2次。

4)購物及飲食區，其實要玩齊三項內容，應該不會有時間飲飲食食，及購物。

不過，因為我們分了兩次進行，所以又有點時間剩……

今日我們揀了$40的「小白迷你窩夫」，食就是食小白的賣相，你可以夾忌廉，或朱古力來吃。

我兩款味道同時點配，但就被SY說:「哎呀！你將啲忌廉整黑晒……」（車……都係食落肚啫！）

「冰雪小鎮」超好玩，但你一定要預算，在烈日當空下，最少排隊一小時才可入場，（除非你晨早來取快証）。

因為這是短期環節，我估計應該日日都會如此多人，想玩可能就要付出少少代價。

大仁生活facebook