【西貢名物】最親情 家鄉茶粿 好食!

「雞屎藤2盒！唔該」女顧客人未行到，先大聲預購。許姑娘(三家姐):「雞屎藤一早賣晒啦， 試其他好冇？」

因為J2的飲食男女， 2年前得知西貢有7姐弟妹，希望發揚父親家鄉美食的精神，於是眾人合力，打造家庭式茶果。

由最初名不經傳， 近年變成西貢名物。我一直都想來與許家三家姐及全哥傾計。

可惜， 因為許家人人也有正職， 所以茶果店只開周六， 周日及公眾假期。(我在公司放平日...周末點有假期入西貢吖...衰)

一等兩年， 皇天不負有心仁， 今日我終於工作關係來到西貢， 哈利路也！！我終於可以食到許姑娘家鄉茶果！ ~發達啦！！ Yeah~

三家姐友善說:「好彩你今日嚟...我哋7月2日開始休息3個月呀！！」，原來茶果生意， 夏天少秋冬一半以上， 所以許姑娘每年7月至9月尾休業。(都唔係吖...今日都好多人圍住買喎)

男生(二姐夫及姪子)負責後勤工作， 今日三姐妹就專責推銷， 而六弟哥則為店舖宣傳忙於四周走來走去。

(六弟)全哥:「頭先2點， 嚇死你， 成條街得3個人行， 我叫家姐6月都唔好做啦...咁熱無乜人食茶果呀...不過佢哋唔聽啫」(好彩家姐無聽你講， 如果唔係...今日我咪摸門釘？)

(你哋要唔要交租架？) 全哥解釋:「好彩係自己屋， 如果要交租， 真係唔駛做。好似原材料真係加好多，我哋年頭先加$1」(咁大個茶果先係$6.5， 熱辣辣真係抵食)

全哥指自己只懂得包茶果， 搓粉就是姐夫朝早7時便要開工， 班蘭椰茸花生是哥9種茶果中的最愛， 因為甜中帶鹹。

三家姐當日在電視講， 艾草菜脯是從前爸爸留給她印象最深的味道。

今日我問三家姐你最愛那一款， 她仍然推介同一款:「艾草外層甜， 內層菜脯蝦米豬肉鹹鹹地， 出面無得食， 係我哋獨有」

六弟哥:「以前E條街好靜， 所以我要走去叫咪， 到大街等旅遊車落車時宣傳下， 我又係街頭掛廣告， 所以E家都算帶旺咗」

(因為有全港最有團結情親茶果， 市場街簡直變成為遊西貢必到景點)

我愛吃甜味茶果， 所以芝麻花生絶對超班， 即場食， 一邊跟許姑娘聊天， 特別好食。我食到箇中的手足情， 很熱血的茶果。

三家姐建議我十月初過來試糯米糍:「記得星期六嚟， 因為星期日要做遊客團， 唔得閒做糯米糍， 如果想食花生糖， 都最好早D， 今日都好早賣晒」

(睇嚟我要MARK定十月假， 因為我好想糯米糍呀！)

原來今日也造了8個櫃， 合共1600隻， 我下次一定要早點來買雞屎藤， 因為今日我企了5分鐘， 人人也問雞屎藤為何如此暢銷， 一早便售罄喎。