「聖誕星城」大火車 不及 踩高蹺的波波哥 @海港城

海港城海運露天廣場的聖誕燈飾, 今年主題是「聖誕星城」. 今晚我們一抵達廣場, 即時聽到有小情侶竊竊私語:「舊年有迪士尼好睇好多」

無錯!! 十分認同, 英國小鎮商店與火車, 太正經了, 一定也不夠迪士尼吸引及親民, 可惜今年迪士尼朋友全部過檔去了「樂富聖誕展」呢!!

其實海港城2008也是用聖誕火車為主題, 當時更加以一萬個LED燈做宣傳, 估不到事隔6年, 大橋又再循環使用喎, 認真環保呢.

老實說, 從前沒有如此多商場展覽, 每年去海運影聖誕燈飾, 簡直如同盛事一樣,  我記得當年的燈飾人物, 又或者是火車, 太空船等, 每隔一小時就會出來走來走去, 十分期待喔.

不過, 不知從何年開始, 海運的聖誕燈飾已經沒有再活動的元素了.

今年和往年一樣, 只要捐款HK$20予「香港血癌基金」, 就可以近距離與情景人物拍照.

今晚, 我們借了站長帽, 手持巨型車票, 準備登上「聖誕火車」啦!!

火車上除了可以在繁星閃閃的通道內拍照外, 還可以扮禮物坐底休息一下!!

最重要當然就是和熊啤啤合照啦!! 但因為火車車廂過於狹窄, 近距離拍攝效果麻麻地喎, 所以還是要隔著圍欄影好看一點.

長樓梯的部份, 今日竟然還未開放, 是否還未裝設完成呢? 因為今年…好像流於空洞, 以往年年在長樓梯周圍也充滿震撼感的佈置喎.

今年海運的燈飾正氣得有點像她的鄰居1881, 我很少會去1881影燈飾, 因為感覺她們的目標觀眾不是香港人.

帶著失望離開, 但全晚較燈飾更精彩的, 卻是一位站在廣場前, 會說普通話的外籍藝人. 踏著高蹺的他, 又會說笑, 又會扮鬼扮馬, 還會扭波波送阿囝.

高蹺先生才是今晚我唯一值得記錄的人和事. 多謝你的用心表演, 否則今晚真的悶死.

地點：海港城海運大廈露天廣場

大仁生活facebook