過癮挑染彩虹頭　水洗即打回原形

香港人其實很保守，只要你戴帽、戴黑超、紋身、穿環、染金毛，便會被人斜視、偷望、細語，穩陣起見，大家總會識趣地減少「不必要」的飾品，免得被人眼超超，髮色方面，不是最Pure最True的黑色，就是減齡的啡色系，總之穩穩陣陣，免得返工被老闆照肺！

雖說平淡也是福，但眼見日韓的男女天團髮色玩到七彩，而且駕馭得游刃有餘，是否也想過把癮一湊熱鬧，趁夏天找點刺激呢？如何可以今天玩紅色，明天又玩紫色，甚至彩虹咁色？形象如此百變，當然並非去Salon染完又還原啦，一盒盒貌似眼影的染髮粉是幕後功臣，外國已流行多年，近年此風直吹韓國及日本。說到始祖應是美國出品的TINT hair chalk，只要選好顏色，直接把它拖拉於頭髮上即可，顏色相當鮮艷搶眼，據知共有15色。如想打造Highlight效果，粉筆狀的就更乾手淨腳，只要執起一小撮髮絲，直接一筆一筆塗上去就是了。

日本出品的TiMaria’s則是個人推介，色調較柔和，圓盒設計共8色，粉筆狀則有單色、六色及限量三色，一盒內已備3色，方便打造層次感十足的粉嫩髮色，至於如何清洗？只要按照日常洗髮程序，一沖一洗便可。如想洗得更乾淨徹底，同樣出產染髮粉的Borboleta，則貼心地推出專門清潔洗髮粉的產品，980円一瓶便能減少對頭髮的傷害，雖說是綑綁式銷售，但總算值得投資啦！