【6折大出血!!】春日尋寶迪士尼 @ 五一勞動節

自從去年10月，我們的迪士尼銀卡到期後，霎眼間原來已經半年沒有再入園。

過去6個月，沒有聽到SY提及想去迪士尼，我以為他漸漸長大，對迪士尼再不感興趣，誰知情況完全相反...

因為當他兩星期前，知道可以再去迪士尼，他竟然日日也在說:「好想快啲到5月1日，我好耐都無去迪士尼啦！真係心急呀！」

今個星期阿囝每朝6時多便起床，我問他原因，他答我:「去迪士尼玩，我好興奮，瞓唔著呀」(吓！大佬...我唔興奮喎，我好想瞓呀！)

今日一走入園，SY第一時間便向每位姐姐拿貼紙外，因為阿太一早告知阿囝迪士尼的全新16款TsumTsum貼紙

而心水清的sy竟然說:「點解周圍啲花花，都有隻小蜜蜂嘅？？」 (係喎..阿囝不說，我也不發現，Duffy旁邊又有，米奇，米妮，布魯托，Chip ＆ Dale附近真係都有喎)

我們任務非常多，其中一個便是要闖六關，集齊印章去換米奇閃光戒指...

不過我們實在太笨了，因為第一關火箭餐廳職員問我們，「E家我哋身處係邊個世界？？好未來嘅...」「未來世界」， 「巴斯世界」， 「太空世界」...(係明日世界， 好彩最後有貼士咋...)

第二關簡單得多，只是兩張圖找五處不同，不如你也來找找，非常易玩

之後又畫畫鬼腳，答答睡公主的全名，輕輕鬆就順利過關...

到SY獲頒獎時，雖然只是一隻普通戒辊，但他真的開心到彈起，老實說，走足全個樂園，還有三個傻人陪著癲，可能小朋友也覺得好玩，我們三個大人則累到不得了

陪玩完畢，就到今日我們的真正大大大使命，大出血！！ 因為年票會員可以有6折購物機會，所以我們很厚臉皮的剛巧在園的晴晴媽借了年卡，一於血拼買買買...

原來瘋狂購物的感覺，真的前所未有的快活，我買了ShellieMay及一套小白衫，阿太:「其實我覺得佢光脫脫仲得意啦」(6折無理由唔買埋件衫啦，我本來想買埋扮胡迪，扮高菲，扮米奇添)

阿太突然一口氣買了兩套Duffy襟章...工作人員說:「限定架，我哋都係得返幾盒咋」(阿太妳會唔會太中毒呀？？)

之後TsumTsum迷阿囝就要求買了 TsumTsum小青豆，及相架，最後膠袋要付$0.5，迪士尼竟然推出$40換購米奇背囊，舅仔話:「迪士尼買支筆都$35，咁大個背囊$40真係好抵喎」(係囉...唔買真係對唔住自己)

今次我們分別於不同商店入貨，我們一共出了$870的血，原來一張單購物滿$400，可以有一次抽獎迪士尼酒店的機會...哎呀！！我錯失了兩次住酒店的機會呀！！ (我舅仔答:「機會真係好有亮點，咁易抽中就好喇」(咁又係！！)

今日非常忙，因為在迪士尼瘋狂一日後，我們7點便離開樂園，一袋二袋轉戰青衣大戲棚掃街....